مذاکرات کامیاب، ینگ ڈاکٹرز کا ڈیوٹی پر آنے کا اعلان

حکومت پنجاب سے کامیاب مذاکرات کے بعد ینگ ڈاکٹرز نے پندرہ روزہ ہڑتال ختم کرکے آج سے سرکاری اسپتالوں کی اوپی ڈیز میں ڈیوٹی پر واپس آنے کا اعلان کردیا۔

ینگ ڈاکٹرزایسو سی ایشن کے جنرل سیکریٹری ڈاکٹر عاطف کا کہنا ہے کہ ہڑتال ختم کرکے آج اسپتالوں کی او پی ڈیز کھول دیں گے۔

ینگ ڈاکٹرز کی جانب سے اسپتالوں کی اوپی ڈیز میں ڈیوٹی دینے کا اعلان کرتے ہوئے ڈاکٹرعاطف نے بتایا کہ اسپتالوں کی ایمرجنسی سروس بند کرنے کی کال بھی واپس لے لی گئی ہے۔

دوسری جانب محکمہ صحت کے مطابق لاہور سمیت پنجاب کے تمام اسپتالوں میں 15 روز تک ہڑتال رہی، اس دوران محکمہ صحت نے غیر حاضر 76 ڈاکٹروں کو معطل کیا جبکہ 11 لیڈی ڈاکٹرز کی تنخواہیں کاٹی گئیں اور926نئے ڈاکٹر بھرتی کیے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے