ہاتھی کی کتنی ٹانگیں آپ کو نظر آرہی ہیں؟

کیا آپ کو انٹرنیٹ پر سامنے آنے والی تصویری پہلیاں حل کرنا اچھا لگتا ہے؟ اگر ہاں تو اس کا جواب دیں جس نے ویب صارفین کو گھما کر رکھ دیا ہے۔

بصری دھوکا دینے والی یہ تصویر سوشل ویب سائٹ ریڈیٹ میں پوسٹ کی گئی تھی۔

بس آپ کو بتانا ہے کہ اس تصویر میں موجود ہاتھی کی ٹانگیں کتنی ہیں ؟

ہوسکتا ہے یقین کرنا مشکل ہو مگر اس تصویر نے ہزاروں مردوں و خواتین کے ذہنوں کو بری طرح الجھا کر رکھ دیا اور ہر ایک اپنے جواب کو درست ثابت کرنے کے لیے بحث کرتا نظر آیا۔

مگر پھر بھی بیشتر افراد کسی واضح جواب تک پہنچنے میں ناکام رہے۔

اس بلیک اینڈ وائٹ تصویر پر ہر ایک نے طرح طرح کے جواب دیئے اور اب تک اسے ہزاروں بار شیئر بھی کیا جاچکا ہے۔

کچھ صارفین اس بات کے قائل ہیں کہ تصویر میں ہاتھی کی چار ٹانگیں دکھائی گئی ہیں جبکہ دیگر کا اصرار ہے کہ چار نہیں پانچ درست جواب ہے۔

تو آپ کا جواب کیا ہے؟

ذرا دیر اور سوچیں اور پھر بتائیں کہ آپ اس بارے میں کیا رائے رکھتے ہیں، پھر اپنے جواب کا موازنہ نیچے دیئے گئے درست جواب سے کریں۔

اور اس پہیلی کا درست جواب ہے کہ تصویر میں ہاتھی کی صرف ایک ٹانگ ہے اور باقی بصری دھوکا ہے۔

جی ہاں واقعی، اس کا درست جواب صرف ایک ہے اور آرٹسٹ نے تصویر کو اتنی خوبصورتی سے بنایا ہے کہ اکثر لوگوں کی آنکھوں کو دھوکا ہوتا ہے جبکہ پیچھے کی بائیں ٹانگ ہی اس خاکے میں اصلی ہے، باقی دھوکے سے زیادہ کچھ نہیں۔

اگر آپ تصویر کو غور سے دیکھیں تو باقی سب ٹانگوں میں کچھ نہ کچھ کمی ہوگی، تو کیا آپ کے خیال میں یہ جواب ٹھیک ہے؟

ویسے بیشتر افراد نے اسے ماننے سے انکار کردیا اور ان کے خیال میں تیکنیکی طور پر جواب چار یا پانچ ہی ہونا چاہئے، نیچے کمنٹ میں اپنا جواب بتانا مت بھولیں۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے