نوازشریف کی پاناما فیصلے پرایک اور نظرثانی درخواست

سابق وزیراعظم نوازشریف نے پاناما فیصلے پرنظر ثانی کی ایک اور درخواست سپریم کورٹ میں دائرکردی ہے جس میں مؤقف اپنایا گیا ہے کہ جو چیزدرخواست میں ہی نہیں اس کی بنیاد پرنا اہل کیا گیا۔

دوسری نظرثانی درخواست 3 رکنی بنچ کے 28 جولائی کے فیصلے کے خلاف دائر کی گئی ہے۔

درخواست میں مؤقف اپنایا گیا ہے کہ جے آئی ٹی پر اعتراضات قبل ازوقت قرار دے کر مسترد کیے گئے، ٹرائل کورٹ کو 6ماہ میں فیصلے کا حکم کیس پر اثرانداز ہوگا۔

قانون ٹرائل کورٹ کی کارروائی کی مانیٹرنگ کی اجازت نہیں دیتا، عدالتی احکامات شفاف ٹرائل کے بنیادی حق کی خلاف ورزی ہیں۔

درخواست میں مزید کہا گیا ہےکہ درخواستوں میں ایف زیڈ ای کا کہیں کوئی تذکرہ ہی نہیں تھا، جو چیز درخواست میں ہی نہیں اُس کی بنیاد پرنا اہل کیا گیا۔

ایف زیڈای کی تنخواہ قابل وصول تسلیم کرلی جائے تو بھی نااہلی نہیں بنتی، تنخواہ نہ لینا اور اس کا دعویٰ بھی نہ کرنا بے ایمانی قرار نہیں دیا جا سکتا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے