اسلام آباد: پاکستان نے مقبوضہ کشمیر میں شہریوں کی شہادت پر شدید تشویش کا اظہار کیا ہے۔
ترجمان دفتر خارجہ کی جانب سے جاری بیان میں کہا گیا ہے کہ بھارتی فورسز مقبوضہ کشمیر میں انسانیت سوز مظالم ڈھا رہی ہیں جس کے نتیجے میں کلگام میں 8 کشمیری شہید جب کہ متعدد زخمی ہوگئے۔
ترجمان دفتر خارجہ کا کہنا ہے کہ بھارتی فورسز نے پلوامہ میں حاملہ خاتون کو شہید کردیا اور پلوامہ میں خاتون کی شہادت کے 15 گھنٹے بعد صورتحال مزید کشیدہ ہوگئی، پلوامہ میں کرفیو نافذ ہے اور انٹرنیٹ سروس بھی معطل کردی گئی ہے۔
