وزیراعظم عثمان بزدار کا ڈھٹائی سےدفاع کر رہے ہیں: بلاول

بیلاوالکندھ کوٹ: پاکستان پیپلز پارٹی (پی پی پی) کے چیئرمین بلاول بھٹو زرداری نے اعتراض اٹھایا ہے کہ وزیراعلیٰ پنجاب عثمان بزدار میں ایسی کیا بات ہے کہ وزیراعظم عمران خان ڈھٹائی سے ان کا دفاع کررہے ہیں؟

کندھ کوٹ میں جلسے کے بعد میڈيا سے گفتگو میں بلاول بھٹو نے کہا کہ ‘بے چارے وسیم اکرم بھی کہہ رہے ہیں کہ میرا کیا قصور ہے’۔

ساتھ ہی ان کا کہنا تھا کہ ‘کرکٹ میں امپائر جبکہ سیاست میں عوام کی مرضی چلتی ہے’۔

پیپلز پارٹی چیئرمین نے مزید کہا کہ ‘وفاق اٹھارہویں ترمیم پر عمل نہیں کر رہا اور جو ادارے سندھ نے بنائے انہيں چھیننے کی کوشش کی جارہی ہے’۔

انہوں نے کہا، ‘بدقسمتی سے اٹھارہویں آئینی ترمیم آج کل خطرے میں ہے، اٹھارہویں ترمیم پر ہر طرف سے حملے ہو رہے ہيں، لیکن ہم اس ترمیم پر آنچ نہیں آنے دیں گے اور پیپلز پارٹی پورے عزم کے ساتھ تمام قوتوں کا مقابلہ کرے گی’۔

بلاول کا مزید کہنا تھا کہ ‘ہم اٹھارہویں ترمیم کے تحفظ کے لیے نہ صرف قانونی و سیاسی آپشن استعمال کریں گے بلکہ پارلیمنٹ کے اندر اور باہر بھی یہ معاملہ اٹھائيں گے’۔

ان کا کہنا تھا، ‘ہم نے اپوزيشن جماعتوں سے مل کر طے کیا ہے کہ جمہوری، انسانی اور معاشی حقوم پر سمجھوتہ نہيں کریں گے’۔

بلاول بھٹو زرداری نے آئين کی اصل شکل میں بحالی کو پیپلز پارٹی کی گذشتہ حکومت کی کامیابی قرار دیتے ہوئے کہا کہ ‘ہم فخر کے ساتھ کہہ سکتے ہیں کہ ہماری حکومت نے بینظیر انکم سپورٹ جیسے پروگرام متعارف کرائے جنہیں ساری دنیا نے سراہا’۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے