پاکستان میں ہونے والی بارشیں اور برفباری اللہ کا انعام ہیں: وزیراعظم

وزیراعظم عمران خان نے کہا ہے کہ پاکستان میں ہونے والی بارشیں اور برفباری حقیقت میں اللہ کا انعام ہیں۔

آج کل پاکستان کے شہری علاقوں میں موسم سرما کی بارشیں اور پہاڑی علاقوں میں برفباری کا سلسلہ جاری ہے جس سے نا صرف سردی کی شدت میں اضافہ ہو گیا ہے کہ پانی کی قلت بھی کافی حد تک دور ہو گئی ہے۔

وزیراعظم عمران خان ماحولیاتی تبدیلیوں کے حوالے سے اکثر و بیشتر سوشل میڈیا کے ذریعے اپنے پیغامات قوم کو بھیجتے رہتے ہیں اور موجودہ بارشوں کے حوالے سے بھی انہوں نے سوشل میڈیا پر پیغام جاری کیا ہے۔

وزیراعظم عمران خان نے سوشل میڈیا پر جاری اپنے بیان میں ملک بھر میں ہونے والی بارشوں اور برفباری کو اللہ کا انعام قرار دیتے ہوئے کہا ہے کہ ہماری بارانی فصلوں کے لیے یہ بارشیں بروقت ہیں۔

عمران خان نے مزید لکھا کہ ان بارشوں سے نا صرف زیر زمین پانی کی سطح بلند ہو گی بلکہ برف پگھل کر دریاؤں کا حصہ بھی بنے گی۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے