اقرا عزیز نے اشتہار کو ’نامناسب‘ قرار دے کر پیشکش ٹھکرادی

معروف اداکارہ اقرا عزیز نے رنگ گورا کرنے والی کریموں کے خلاف ایکشن لیتے ہوئے کریم کا اشتہار کرنے سے انکار کردیا۔

سنو چندا ڈرامے سے مقبول ہونے والی اداکارہ اقرا عزیر کو ایک نجی کمپنی نے گورا رنگ کرنے والی کریم کے اشتہار کے لیے پیشکش کی جس کو اداکارہ نے نا مناسب قرار دیتے ہوئے آفر ٹھکرادی۔

اداکارہ نے اشتہار کرنے سے انکار کردیا جس کے بعد ان کے منگیتر یاسرحسین نے اپنے انسٹاگرام اکاؤئنٹ پراقرا کے اس مثبت فیصلے پر انہیں سراہا۔

اداکارہ اقرا عزیز کو یاسر حسین نے داد دی اور انسٹگرام پر ان کے ساتھ ایک تصویر شئیر کرکے خوبصورت کیپشن لکھا اور اداکارہ کی حواصلہ افزائی کی۔

اداکار یاسر حسین نے لکھا کہ ‘اقرا کل جو تم نے کیا اس کے بعد سے میں آپ سے اب مزید محبت کرتا ہوں، یہ بات آپ سب کو بتانا ضروری نہیں ہے کیونکہ یہ ایک بہترین کام ہے، کل اقرا نے ایک رنگ گورا کرنے والی کریم کا اشتہار کرنے سے منع کردیا، جو کہ معاشرے میں احساس کمتری کو فروغ دینے کے بہت سارے پیسے بھی دے رہے تھے‘۔

یاسر نے اپنی پوسٹ میں مزید لکھا کہ جرات مندانہ اور صحیح قدم اُٹھایا ہے آپ نے، بے شک کسی گورے کو کسی کالے اور کسی کالے کو کسی گورے پر کوئی فضیلت نہیں، اللہ نے ہمیں جیسا بنایا ہے اُسی میں خوش رہیں۔

واضح رہے کہ رواں برس لکس اسٹائل ایوارڈ 2019 کے دوران ستاروں کی جھرمٹ میں اداکار یاسر حسین نے اقراء عزیز کو شادی کی پیشکش کی جس پر اداکارہ نے ہاں کردی تھی۔

لکس اسٹائل ایوارڈز میں اداکارہ اقرا 2 ایوارڈز جیتنے میں کامیاب رہی تھیں جس کا یاسر حسین نے تذکرہ کرتے ہوئے کہا کہ ’آج جب اقرا کو دو ایوارڈز ملے تو میں نے سوچا کہ یہ ہی اچھا موقع ہے تیسرا ایوارڈ بھی انہیں دے دینا چاہیے‘۔

تاہم شو کے دوران ہی یاسر حسین نے اقراء عزیز کو انگوٹھی پہنا دی تھی جب کہ دونوں بہت جلد ایک ساتھ ڈرامہ ‘جھوٹی’ میں جلوہ گر ہوں گے جس کی عکس بندی ابھی جاری ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے