گزشتہ ہفتے ہیریٹیج فاؤنڈیشن اور اسٹار لنکس پی آر اینڈ ایونٹس نے سندھ کے شہر مکلی کی گداگر کمیونٹی کے لیے ’گھارن جو میلو‘ کے نام سے ایک خصوصی فیملی فیسیٹول کا انعقاد کیا۔
یہ میلہ ہیریٹیج فاؤنڈیشن کے خود انحصاری پروگرا م کا ایک حصہ ہے۔ اس پروگرام کے تحت دیہاتوں میں ۵۰ ٹوائلیٹ فراہم کیے جانے کے علاوہ دیہی خواتین کو گھریلو چولہے بنانے کی تربیت بھی دی جاچکی ہے۔
مکلی پہنچنے پر حضرت آشابی شریف مزار کے نگران خلیفہ شکیل احمد نے میڈیااور دیگر افراد کا استقبال کیا۔
اسٹار لنکس پی آر اینڈ ایونٹس کی سی ای او شہناز رمزی اور ہیریٹیج فائونڈیشن کے بورڈممبران نے پروگرام کے بارے میں شرکا کو بتایا۔
شہناز رمزی نے ہیریٹیج فائونڈیشن کی جانب سے غریب آبادی کی خود انحصاری کے لیے کیے جانے والے اقدامات کی حوصلہ افزائی کرنے پر ذور دیا۔
میلے میں مکلی کے سٹریٹ چلڈرن کی پرفارمنس کے علاوہ ٹی وی اور فلم کے معروف اداکار ٹیپو شریف، جو اب موسیقی کی دنیا میں بھی قدم رکھ چکے ہیں، کی گٹار کے ساتھ شاندار پرفارمنس بھی شامل تھی، جو مکلی کی غریب آبادی کے لیے ایک نیا تجربہ تھا۔
تقریب میں خود انحصاری پروگرام میں کمیونٹی کے لیے نمایاں کردار ادا کرنے والوں کو انعامات بھی دیے گئے۔
مہمانوں کو مکلی کے گائوں اور تاریخی قبرستان کا دورہ بھی کرایا گیا۔ اس دوران ہیریٹیج فائونڈیشن کی سی ای او یاسمین لاری نے فائونڈیشن کے لائحہ عمل پر بھی تفصیل سے روشنی ڈالی۔
تقریب کے آخر میں میڈیا اور دیگر شرکا کے لیے لنچ کا اہتمام کیا گیا تھا۔
تقریب کی پی آر کے فرائض اسٹار لنکس پی آر اینڈ ایونٹس نے ادا کیے۔
