صفتین خان
پاکستان کی تاریخ میں پہلی بار کرپٹ اسٹیبلشمنٹ اس ملک کے مفاد میں متحرک ھوئی ھے ۔۔۔ پہلی بار بڑے مجرموں کو اندیشہ ہائے زودو زیاں سے واسطہ پڑا ھے ۔۔۔ خفیف ھی صحیح ان کو خوف لاحق ھوا ھے ۔۔۔ بدعنوانی کا حساب دینا پڑ رھا ھے ۔۔۔۔ قانون ان کے گریبانوں تک پہنچا ھے ۔۔۔۔ بدحواسی میں چیخ رھے ھیں ۔۔۔ سمجھ نہیں آرھا جنت کو کس کی نظر لگ گئی ۔۔۔۔ مہینوں پہلے جب میں نے اس کی پیش گوئی کی تھی تو لگ ماننے کو تیار نہیں تھے ۔۔۔۔ اب بادل چھٹ رھے ھیں ۔۔۔ آہستہ آہستہ بڑے مجرم کٹہرے میں لائے جائیں گے ۔۔۔۔ ان کو اپنا انجام نظر آرھا ھے ۔۔۔
یہ دعوی نہیں کہ اسٹیبلشمنٹ نے کبھی دھوکا نہیں دیا اس ملک کو ۔۔ کبھی بے وفائی نہیں کی ۔۔۔ کبھی "ملکی مفاد ” میں ملک کو تباہ نہیں کیا ۔۔ لیکن اس کا مطلب یہ نہیں کہ اس کے صحیح کام میں سے بھی کیڑے نکالے جائیں ۔۔۔ وقت وقت کی بات ھوتی ھے ۔۔۔ ہر بادشاہ فرعون نہیں ھوتا اور نہ ہر چیف کیانی ھوتا ھے ۔۔۔۔۔
مگر قلم کے سوداگر اور سطحی تجزیہ کار جمہوریت کی آڑ میں دفاع کے لئے سرگرم ھو گئے ان کو بچانے کے لئے ۔۔۔۔ اللہ اس قوم پر رحم فرمائے جس کے دانشور ظالموں کے حق میں دلیلیں دیں ۔۔۔۔۔ انسانیت کا نمک کہلانے والے انسانیت پر ظلم کے روادار کے کلام کی توجیہات پیش کریں ۔۔۔ کلام کی عظمت انسانیت کے ماتھے پر کلنک کا ٹیکہ بن جانے والوں کی باندی بن جائے ۔۔۔ جس کے مفتی فتوی دے کر ظالموں کے ضمیر کو رشوت دیں ۔۔۔۔ وہ ضمیر جو زندہ ھی نہ ھو ۔۔۔ تازہ ترین مثال مصر ھے ۔۔۔ جس ملک کی اشرافیہ بد ترین ھو وہاں ایسا ھونا معجزہ ھی ھے ۔۔۔۔ باد صبا کا جھونکا ۔۔۔۔ فوجی کرپشن کی داستانیں سنا کر اس عمل کو مشکوک بنانے والے اس بات سے نابلد کہ سیاسی حکمرانوں کی بد دیانتی ملک کے لئے زیاہ مہلک ھے ۔۔۔ اس لئے کہ وہ پالیسیاں بناتے ھیں ۔۔ تمام اداروں پر نگران ۔۔۔ بجٹ بنانے والے ۔۔۔ ملک کے خزانوں کے مالک ۔۔۔ بلوچستان کے سونے کو بیچنے والے ۔۔۔۔ لہذا ان کی گرفت زیادہ ضروری اور ناگزیر ھے ۔۔۔۔ ان کو پکڑنے دو فوج بھی کرپشن کرتے ھوئے سوچے گی ۔۔۔
فوج کو اپنے اختیارات سے تجاوز کے طعنے دینے والے عمرانیات اور سیاسیات کے اس اصول سے جاھل کہ معاشرے خلا میں قائم نہیں رھتے اور نہ کام کرتے ھیں ۔۔ سول ادارے جب نااہل ھوں تو فوج کو آگے انا ھی پڑتا ھے ۔۔۔ آئین کی شقیں سنا کر دلیلیں دینے والے اس بات سے ناواقف کہ ملک آئین سے زیادہ اہم ھوتا ھے ۔۔۔ ملک کی بقا قانونی موشگافیوں سے زیادہ ضروری ۔۔۔۔ ملک ھو گا تو آئین ھو گا ۔۔۔۔ یہ پاکستان کی جنگ ھے ۔۔ اس مین حصہ ڈالو تاکہ خدا اور تاریخ کے سامنے سرخرو ھو ۔۔۔۔
اللہ اس جنگ میں پاکستان کو کامیاب کرے ۔۔ آمین
نوٹ ۔ ۔ آئی بی سی اردو کا کالم نگار کی رائے سے اتفاق ضروری نہیں ۔
