نیشنل یونیورسٹی آف ماڈرن لینگوایجز اسلام آباد کے شعبہ انگریزی کے استاد پروفیسر ڈاکٹر جمیل اصغر جامی کو تہران میں منعقد ہونے والی بین الاقوامی کانفرنس کے لیے بہترین مقالہ لکھنے پر کے طور پرخصوصی ایوارڈ دیا گیا۔
تہران میں واقع ایکو کلچرل انسٹیٹیوٹ کے زیر اہتمام شاعرِ مشرق علامہ محمد اقبالؒ کے حوالے سے جون میں تین روزہ بین الاقوامی کانفرنس کا انعقاد کیا گیا۔
کانفرنس کے لیے دنیا بھر سے بڑی تعدا د میں تحقیق مقالے ارسال کئے گئے تاہم بہترین مقالے کا ایوارڈ کمیٹی کے متفقہ فیصلے کے نتیجے میں ڈاکٹر جامی کو دیا گیا۔
ڈاکٹر جامی کے مقالے کا بنیادی موضوع اقبال ؒ کے فلسفۂ فن کی عہدِ مابعد جدید کے حوالے سے اہمیت اور افادیت تھی۔
ڈاکٹر جامی گذشتہ پندرہ سال سے نمل میں درس و تدریس کے فرائض سر انجام دے رہے ہیں اور اقبالؒ کے فلسفے اور فکر کو اُن کی تحقیقی ترجیحات میں نمایاں مقام حاصل ہے۔