عبد الماجد
آئی بی سی اردو
۔ ۔ ۔ ۔ ۔ ۔ ۔ ۔
چیف آف آرمی اسٹاف جنرل راحیل شریف نے عید الفطر اپنے خاندان کے ساتھ منانے کے بجائے وزیرستان میں جوانوں کے ساتھ منانے کا فیصلہ کیا ہے ۔ وہ پاکستان کی بقاٗ کے لیے لڑنے والے جوانوں کے پاس پہنچ چکے ہیں ۔
یاد رہے کہ چیف آف آرمی اسٹاف جنرل راحیل شریف کی والدہ کچھ عرصہ قبل انتقال کر گئی تھیں ۔ والدہ کے بغیر یہ ان کی پہلی عید ہے تاہم انہوں نے گھر میں رکنے کے بجائے وزیرستان میں جانے کو ترجیح دی ۔
چیف آف آرمی اسٹاف جنرل راحیل شریف جوانوں میں بہت مقبول ہیں ۔ آرمی چیف کے اس اقدام کو شہریوں نے خراج تحسین پیش کیا ہے ۔ شہریوں کا کہنا ہے کہ پاکستان میں امن و سکون کے قیام کے لیے جنرل راحیل شریف کے اقدامات سنہرے حروف سے لکھنے کے قابل ہیں ۔
آئی ایس پی آر کے مطابق آرمی چیف جنرل راحیل شریف وزیرستان میں اگلے مورچوں پرتعینات جوانوں کے ساتھ عید منائیں گے، جو آپریشن ضرب عضب میں مصروف ہیں۔
