تحریر ۔۔۔۔۔۔۔۔۔۔۔۔ حجاب گل
اسلام آباد
۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔
میں کوچہ جاناں کی طرف رواں دواں تهی….آنکهیں شدت غم سے سلک رہی تهی….جس سے محبت انتہاوں پہ تهی آج اس کے روبرو ہونا تها اسے حال دل سنانا تها اسے بتانا تها کہ … غم کے کتنے صحرا ‘ بگولوں کی طرح میرے وجود میں گهمن گهیریا ڈالے ہیں
کتنے برس کی راتوں کا آتشیں انتظار آنکهوں میں بسا تها اسے بتانا تها …..وہ جس سے مجهے شدید محبت هے ……ایسی محبت جسے بیان کرنے کے لیے الفاظ کم پڑنے لگتے ہیں
آخر کوچہ جاناں آ گیا ……..مجهے لگا کسی پہاڑ پہ ‘ سرد ہوا کے تهپیڑے کهانے کے بعد کسی نگهی فضا میں آ گئ ہوں
دل کیا بهاگ کے جاوں اور کوچہ جاناں کی ہر ہر دیوار سے لپٹ کے رووں اتنا رووں کے برسوں کا غبار دهل جاے
لیکن عشق و مستی کے تقاضے کچهہ اور تهے میں خاموش تهی …..سنبهل سنبهل کے قدم اٹها رہی تهی …دل میں ایک سمندر ٹهاٹهیں مار رہا تها…محبت کا سمندر
آخر وہ وقت آ گیا کہ روبروے جاناں میں کهڑی تهی…….محسوس ہو رہا تها کسی صحرا سے نکل کے نخلستان میں آ گئ ہوں ……وجدان کہہ رہا تها کہ زخموں پہ مرہم رکها جا رہا هے
جسم کپکپا رہا تها …آنکهہ اشکبار تهی
آگہی کی چادر کو اتار کے رکها …….تو ایک پهوار سی دل پہ پڑنے لگی…….ایسا سکون ملا کہ جیسے بیمار کو بے وجہ قرار آ جاے ….جانتی تهی…کہ اگر اس وقت آگہی کی چادر اوڑهہ کر رکهتی تو ،،، گهٹا نا اٹهے گی میں ساون بهادوں کی بارش میں جل تهل نا ہوں گی ….سیراب نا ہو پاوں گی
میں ان کے سامنے کهڑی تهی ….باادب …محبت سے بے تاب لیکن
"ادب پہلا قرینہ هے محبت کے قرینوں میں ”
وجود کانپا …دل لرزا …لب ہلے ..محبت و سرشاری کو سمیٹے ہوے زبان نے کہا
السلام علیکم.
اور پهر انسووں کی نا ختم ہونے والی برسات شروع ہو گئ ‘ جواب آیا "وعلیکم السلام ” تم پر بهی سلامتی ہو”
ان لبوں نے مجهے” وعلیکم السلام” کہا ….کہ جن کا مداح و ثنا خواں خود اس کا پرودگار هے ….اللہ عزوجل کے نوری فرشتے جس پہ ہر لحظہ درود وسلام کے مہکتے پهول نچاور کرتے ہیں
فرط جذبات سے قریب تها کہ میری چیخیں نکل جاتی کہ سماعتوں میں قران پاک کی آیت گونجنے لگی
لا ترفعوا اصواتکم فوق صوت النبی
سرشاری بڑهتی جا رہی تهی ….ان کی نعت خواں ان کے بہت قریب کهڑی تهی…چشم تصور میں وہ ذات مسکراتی نظر آ رہی تهی گویا کہہ رہے ہوں وہ دیکهو میری ثنا خواں ای هے گویا ان کی ساری توجہ مجهہ پہ مرکوز ہو…..
درود و سلام کے بیچ میں ہلکے سے کہتی
"بابا آپ کی بیٹی آئی هے ….آبلہ پا ہوں …وجود شل هے ….خالی داماں ہوں ‘ دکهوں کی ماری ہوں …بابا اپ کی نسبت کے سہارے کے سوا کچهہ نہیں میرے پاس ‘ گناہوں کی گٹهری سر پہ هے ….اپ کی محبت کی ماری کو اپ کی محبت پار لگاے گی…بابا میرے حق میں دعا فرما دیجے …”
پهر یہ سوچ کے لبوں پہ گہرا تبسم چها جاتا کہ جس کو حبیب اللہ نے کہہ دیا "تم پر بهی سلامتی ہو” تو اسے تو دونوں جہان کی سلامتی نصیب ہو گی نا !!!!
میری لرزتی دیوار جاں لگتا تها کہ تحلیل ہو کہ فضا میں بکهر جاے گی کہ نعت کے اشعار میرے لبوں پہ مچلنے لگے …..مجهے سہارا دینے لگے
ان کا دیوانہ ہوں ان کا مجذوب ہوں
کیا یہ کم هے کہ میں ان سے منسوب ہوں
سرحد حشر تک جاوں گا بے دهڑک
مجهہ کو اتنا تو زاد سفر مل گیا
