جمیعت علمائے اسلام فضل الرحمان گروپ کے رہ نما مفتی کفایت اللہ گرفتار

mufti kafayatulallah

جمیعت علمائے اسلام فضل الرحمان گروپ کے رہ نما اور شعلہ بیان مقرر مفتی کفایت اللہ کو چینوٹ میں دوران تقریر گرفتار کرلیا گیا ۔

وہ چینوٹ میں سالانہ ختم نبوت ؐ کانفرنس سے خطاب کر رہے تھے ۔ اس موقع پر پنجاب اسمبلی میں مسلم لیگ ن کے رکن مولانا الیاس چینوٹی سمیت مکتب دیوبند کی تمام جماعتوں کے رہ نما اور کارکنان جلسہ گاہ میں موجود تھے ۔

مفتی کفایت اللہ کا تعلق خیبر پختون خواہ کے ضلع مانسہرہ سے ہے اور خیبر پختون خواہ اسمبلی میں سابق اپوزیشن لیڈر بھی رہ چکے ہیں ۔

مفتی کفایت اللہ کو طالبان نے اپنی جانب سے مذاکراتی کمیٹی کا رکن نامزد کیا تھا تاہم مولانا فضل الرحمان نے انہیں طالبان کی جانب سے مذاکراتی ٹیم کا رکن بننے سے روک دیا تھا۔

مفتی کفایت اللہ نے جمیعت علمائے اسلام کے حالیہ جماعتی انتخابات میں مولانا عبدالغفور حیدری کے مقابلے میں جنرل سیکرٹری کے عہدے کے لیے انتخاب بھی لڑا تھا تاہم وہ کامیاب نہ ہو سکے ۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے