کراچی: پاکستان اسٹاک ایکسچینج میں کاروبار کے دوران منفی رجحان دیکھنے میں آرہا ہے۔
آج کاروباری ہفتے کے پہلے روز ابتدا سے ہی پاکستان اسٹاک ایکسچینج 100 انڈیکس میں منفی رجحان دیکھنے میں آیا۔
ایک موقع پر پی ایس ایکس 100 انڈیکس میں 6000 سے زائد پوائنٹس کی کمی دیکھی گئی اور ایک موقع پر انڈیکس 6029 پوائنٹس کم ہو کر ایک لاکھ 73 ہزار 574 پوائنٹس پر ٹریڈ کرتے دیکھا گیا، کاروبار کے دوران 3 اعشاریہ 19 فیصد سے زائد کمی ریکارڈ کی جا چکی ہے۔
یاد رہے کہ پاکستان اسٹاک ایکسچینج میں گزشتہ کاروباری ہفتے کے دوران بھی منفی رجحان دیکھنے میں آیا تھا اور 100 انڈیکس 4525 پوائنٹس کم ہوکر 179603 پر بند ہوا تھا۔
کاروباری ہفتے میں 100 انڈیکس7413 پوائنٹس کے بینڈ میں رہا اور بازار میں ایک ہفتے کے دوران 4.31 ارب شیئرز کے سودے 212 ارب روپے میں طے ہوئے تھے جبکہ مارکیٹ کیپٹلائزیشن 523 ارب روپے کم ہوکر 20359 ارب روپے رہی تھی۔
