اسلام آباد : پارکس یا تفریحی مقامات پر سگریٹ نوشی یا کوئی نشہ کرنے والوں کے خلاف فوری کارروائی ہو گی ۔
اسلام آباد کے تفریحی مقامات اور مختلف ٹریلز پر کچھ شرپسند لوگ سگریٹ نوشی ، منشیات کا استعمال کرتے ہیں جس کی وجہ سے بچوں اور خواتین کا ان مقامات پر جانا مشکل ہوگیا ہے ۔ کئی بزرگ لوگ چہل قدمی اور ہوا خوری کے لیے پارکوں میں جاتے ہیں لیکن وہاں سگریٹ نوشی کرنے والے افراد ان سے صاف ہوا کی نعمت چھین رہے ہوتے ہیں . کئی بار خواتین اور بزرگ افراد نے ان لوگوں کو روکا لیکن یہ نوجوان بدتمیزی پر اتر آتے ہیں جس کی وجہ سے ان بزرگ افراد نے پارکس میں جانا ہی چھوڑ دیا ۔
ایف نائن پارک میں شام کے وقت کچھ لوگ سگریٹ نوشی کرتے ہیں ، پارک میں کئی مقامات پر گزرتے ہوئے چرس کی بو آ رہی ہوتی ہے ۔ پارک میں ڈیوٹی پر مامور سی ڈی اے کے عملے کے ارکان بھی پارک میں سگریٹ پیتے ہیں ۔ کئی مقامات پر نوجوان ٹولیوں میں بیٹھ کر چرس بھی پی رہے ہوتے ہیں ۔ سنٹورس کے ساتھ ہل ویو پارک ، ٹریل فائیو ، ٹریل سکس سمیت تمام تفریحی مقامات کا یہی حال ہے ۔
تین روز پہلے صحافی سبوخ سید نے اسی حوالے سے ایک ٹویٹ کی جس پر وزیر اعظم کے معاون خصوصی بیرسٹر شہزاد اکبر نے ڈپٹی کمشنر اسلام آباد کو نوٹس لینے کا کہا ۔
اس وقت ایف نائن پارک میں داخل ہوں ، سارے نشئی پارک میں چرس اور سوٹے لگا رہے ہیں ۔ پارک میں بچے اور خواتین متاثر ہو رہے ہیں ۔ پارک کی انتظامیہ کے کچھ اہلکار بھی پارک میں سگریٹ پیتے ہیں ۔ پارک کے چاروں دروازوں پر لکھا ہے کہ سگریٹ پینا منع ہے ۔@dcislamabad @CDAthecapital pic.twitter.com/NnTd5lQXC8
— Sabookh Syed | سبوخ سید (@SaboohSyed) September 28, 2021
سبوخ سید کی ٹویٹ پر وزیر اعظم کے معاون خصوصی بیرسٹر شہزاد اکبر نے ڈپٹی کمشنر اسلام آباد کو نوٹس لینے کا کہا ۔ ڈپٹی کمشنر اسلام آباد نے فوی طور پر پولیس ریڈ کروایا تو چار نوجوانوں کو گرفتار کر کے پولیس اسٹیشن لے جایا گیا . پولیس کے مطابق تفریحی مقامات اور پبلک پارکس میں اب روزانہ ریڈ کیا جائے گا ۔ سگریٹ نوشی اور نشہ کرنے والے افراد کو گرفتار کیا جائے گا ۔
Action is being taken https://t.co/6MOIEZ4xUh
— Muhammed Hamza Shafqaat (@hamzashafqaat) September 29, 2021
یاد رہے کہ اسلام آباد میں قانون کے مطابق تفریحی مقامات پر سگریٹ نوشی کی سزا ایک لاکھ روپے جرمانہ اور چھ ماہ قید ہے ۔
