پاکستان عوامی تحریک کے سربراہ ڈاکٹر علامہ طاہر القادرے نے کہا ہے کہ پاکستان پر دہشت گردوں کی حکومت ہے ۔ اس ملک میں کوئی نظام نہیں ۔ حکمرانوں کا طرز عمل آمروں سے بھی بدتر ہے ۔
انہوں نے کہا کہ عوامی تحریک کے کارکنوں اور شہداٗ کی جدو جہد رائیگاں نہیں جائے گی ، انہوں نے کہا کہ ظلم کا نظام مزید نہیں چل سکتا ۔
عوامی تحریک کے سربراہ ڈاکٹر طاہر القادری تقریبا پانچ ماہ کے بعد وطن واپس پہنچے تو لاہور ائرپورٹ پر کارکنوں کی ایک بڑی تعداد نے ان کا پر تپاک استقبال کیا جس کے بعد سربراہ عوامی تحریک ریلی کی صورت میں مرکزی سیکرٹریٹ پہنچایا گیا ۔
پاکستان عوامی تحریک اور تحریک منہاج القرآن کے سیکرٹریٹ میں جشن کا سماں رہا کارکن رات بھر اپنے محبوب قائد کے استقبال کی تیاریاں کرتے رہے ۔
شدید سردی اور دھند کے باعث دیگر اضلاع کی تنظیمات اور کارکنوں کو لاہور آنے سے روک دیا گیا تھا ۔کارکنوں کو صرف 23دسمبر کو عالمی میلاد کانفرنس میں شرکت کی ہدایت کی گئی ۔ ڈاکٹر طاہر القادری 23 دسمبر کی رات مینار پاکستان میں تاریخی عالمی میلاد کانفرنس سے خطاب کریں گے ۔
عالمی میلاد کانفرنس کیلئے تمام دینی ،سیاسی و سماجی جماعتوں کو شرکت کی دعوت دی گئی ہے ۔
