۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(نہایت حساس موضوع کی بنا پر میں نے کئی دن اس سوچ بچار میں گزارے کہ اس پر قلم اٹھانا چاہئے یا نہیں۔
بالآخر اس نتیجے پر پہنچا کہ معاشرتی مسائل کو اجاگر کرنا اور وسیع تر انسانی مفادات پر قلم اٹھانا، ایک لکھاری کی اولین ذمہ داریوں میں سے ہے، خصوصاً میڈیکل شعبے سے وابستہ قلم کاروں کی)
اس مختصر تمہید کے بعد آئیے اصل موضوع کی طرف آتے ہیں۔
ہم جنس پرستی (homosexuality) کی تعریف کے مطابق، یکساں جنس کے افراد کا ایک دوسرے کی طرف جنسی طور پہ مائل ہونا، ہم جنس پرستی کہلاتا ہے۔
سماجی لحاظ سے اس کی چار اقسام ہیں۔
1۔ گے Gay
عموماً یہ اصطلاح مردوں کے باہمی جنسی رحجان کے لئے استعمال ہوتی ہے۔
2۔ لیسبیئن Lesbian
یہ اصطلاح عورتوں کے باہمی جنسی رحجان کے لئے استعمال ہوتی ہے۔
3۔ بائی سیکچوئیل Bisexual
یہ اصطلاح ان افراد کے لئے استعمال ہوتی ہے جو جنسِ مخالف کے ساتھ ساتھ جنسِ موافق میں بھی جنسی رحجان رکھتے ہیں۔
4۔ ٹرانس جینڈر Transgender
اپنے مفہوم کے لحاظ سے یہ ایک نفسیاتی اصطلاح ہے جس میں مرد یا عورت، اپنی پیدائشی جنس کی بجائے مخالف جنس جیسی حرکات و سکنات اور خوہشات رکھتے ہیں۔ مثلاً ٹرانس جینڈر مرد، خواتین جیسی عادتوں اور رحجانات کا حامل ہوتا ہے۔
۔۔۔۔۔۔۔۔۔۔۔۔۔۔۔۔۔۔۔
اینل سیکس
۔۔۔۔۔۔۔۔۔۔۔۔۔۔۔۔۔۔۔
مندرجہ بالا میں لیسبیئن کو چھوڑ کر باقی تینوں میں جو رحجان بہت عام ہے وہ ہے اینل سیکس (anal sex) ۔ چنانچہ اپنے مضمون کے اس حصے میں ہم صرف اینل سیکس کے میڈیکل اثرات پر گفتگو کریں گے۔
🔹اینل سیکس، "گے” مردوں میں تو عام ہے ہی مگر یہ مرد و خواتین کے تعلقات میں بھی ممکنہ طور پہ اپنا وجود رکھتا ہے۔
🔹اینس (anus)، انسان کے ڈائجسٹو سسٹم کا آخری حصہ ہے اور اس کا مقصد صرف اور صرف انسانی غیر ہضم شدہ غذائی مادوں اور ایلیمینٹری کینال کے فضلہ جات کا اخراج ہے۔ تولیدی نظام یا نسل کی بڑھوتری میں اس کا قطعی کوئی عمل دخل نہیں۔ تاہم اس کے بیرونی حصے کی جانب حسی اعصاب (sensory nerves) کی کثیر تعداد کی وجہ سے یہ نہایت حساس حصہ ہے۔
🔹اینس میں اگر مردانہ عضو تناسل کے دخول کے ذریعے جنسی عمل کیا جائے تو اس کے مندرج ذیل میڈیکل اثرات ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔ بافتوں (tissues) کا زخمی ہونا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اینس میں کسی قسم کا لبریکیشن سسٹم نہیں ہوتا، نہ ہی ایسے گلینڈز ہوتے ہیں جو ویجائنا میں پائے جاتے ہیں۔ چنانچہ اینل سیکس کے دوران اس کے حساس ٹشوز زخمی ہو جاتے ہیں اور ان چھوٹے چھوٹے دراڑ نما زخموں سے وائرس اور بیکٹیریا بآسانی دورانِ خون میں شامل ہو کر جسم میں پہنچ جاتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
2۔ ایڈز کے امکانات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اینل سیکس میں ایڈز کے وائرس کے منتقل ہونے کے امکانات بہ نسب نارمل سیکس کے تیس گنا زیادہ ہوتے ہیں۔ چنانچہ دنیا میں سب سے زیادہ اینل سیکس کرنے والے افراد میں ایڈز کا پھیلاؤ ہوتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
3۔ ہیومین پیپیلوما وائرس کی منتقلی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہیومین پیپیلوما وائرس (human papillomavirus) اس عمل میں بآسانی منتقل ہو کر warts اور کینسر کا باعث بنتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
4۔ پاخانے پر کنٹرول کی کمی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اینس کے ارد گرد مسلز کے بنے ہوئے اینل سفنکٹرز (anal sphincters) ہوتے ہیں جو سختی سے اینس کے سوراخ کو بند رکھتے ہیں۔ اینل سیکس کی کثرت سے یہ مسلز اپنی سختی کھو دیتے ہیں جس سے مریض کا اپنے پاخانے پر کنٹرول کم ہو جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
5۔ یورینری ٹریکٹ انفیکشن
Urinary Tract Infection
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اینس میں کئی اقسام کے بیکٹیریا بہت کثرت سے پائے جاتے ہیں جن کا اینس کو تو کوئی نقصان نہیں ہوتا لیکن اگر یہ مردانہ عضو تناسل میں داخل ہو جائیں تو اسکے نظامِ اخراج اور گردوں میں انفیکشن کا باعث بن سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
6۔ دیگر انفیکشنز
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اینل سیکس سے کئی دیگر انفیکشنز بہت آسانی سے منتقل ہو سکتے ہیں۔ مثلاً کلے مائڈیا، گونوریا، ہیپاٹائیٹس اور ہرپیز herpes وغیرہ۔ یہ سب انفیکشنز ایک سے بڑھ کر ایک خطرناک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
7۔ بواسیر Haemorrhoid
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اینل سیکس بذاتِ خود تو بواسیر کا موجب نہیں بنتا لیکن اگر کسی کو پہلے سے بواسیر ہے تو یہ اس میں کئی گنا اضافہ کر دیتا ہے۔
مندرجہ بالا اثرات کی بنا پر واضح طور پہ یہ کہا جا سکتا ہے کہ اینل سیکس غیر فطری بھی ہے اور شدید نقصان دہ بھی۔ اچھی صحتمند زندگی کے لئے اس سے مکمل اجتناب ضروری ہے۔
