اسلامی سال کا پہلا مہینہ، محرم الحرام، تاریخِ اسلام میں بے شمار اہم واقعات اور روحانی فضیلتوں سے مالا مال ہے۔ قرآن و حدیث میں اس مہینے کی خصوصی عظمت بیان کی گئی ہے۔ محرم نہ صرف اسلامی کیلنڈر کی ابتدا ہے بلکہ کربلا جیسے لازوال سانحے اور ان گنت تاریخی واقعات کی یاد بھی تازہ کرتا ہے جو امت مسلمہ کے لیے سبق اور ہدایت کا سرچشمہ ہیں۔ آئیے محرم کے فضائل، مسنون اعمال اور اس مہینے میں پیش آنے والے تاریخی واقعات پر تفصیل سے نظر ڈالیں:
محرم کے فضائل
قرآن کریم میں ارشاد باری تعالیٰ ہے:
“اِنَّ عِدَّةَ الشُّهُورِ عِندَ اللہِ اثْنَا عَشَرَ شَهْرًا…” (التوبہ: 36)
ترجمہ: “اللہ کے نزدیک مہینوں کی گنتی بارہ ہے… جن میں چار حرمت والے مہینے ہیں۔”
حضور اکرم ﷺ نے فرمایا:
“رمضان کے بعد سب سے افضل روزے اللہ کے مہینے محرم کے ہیں۔” (مسلم، حدیث: 1163)
آپ ﷺ نے فرمایا:
“عاشورہ کے دن کا روزہ گزشتہ سال کے گناہوں کا کفارہ ہے۔” (مسلم، حدیث: 1162)
محرم کے مسنون اعمال
محرم میں خصوصاً عاشورہ (10 محرم) کا روزہ رکھنا افضل ہے۔
بہتر ہے کہ 9 یا 11 محرم کو بھی روزہ رکھا جائے تاکہ یہود سے مشابہت نہ ہو۔ (مسلم، حدیث: 1162)
محرم کے بارے میں رسومات و رواج
بدقسمتی سے بعض علاقوں میں محرم میں غیر شرعی رسومات مثلاً خود کو زخمی کرنا، زنجیر زنی، یا نوحہ خوانی کی جاتی ہے۔ ان کاموں کا شریعت میں کوئی ثبوت نہیں اور یہ ناجائز ہیں۔ اسلام ہمیں غم اور دکھ کے اظہار میں صبر اور وقار کی تعلیم دیتا ہے، نہ کہ جسمانی اذیت اور غیر شرعی حرکات کی۔
محرم کے اہم تاریخی واقعات
محرم کے مہینے میں کئی اہم اسلامی واقعات رونما ہوئے جنہوں نے تاریخ کا دھارا بدل دیا۔ ان میں سے کچھ واقعات درج ذیل ہیں:
✅ 1 محرم
اسلامی سال 1447 ہجری کا آغاز۔
حضرت ادریس علیہ السلام کو آسمان پر اٹھایا گیا۔
رسول اللہ ﷺ نے نجد کے قبائل کے خلاف جہاد فرمایا۔
عمرو بن العاصؓ کی قیادت میں مصر فتح ہوا۔
امام سفیان ثوریؒ (وفات 161ھ) کا انتقال۔
شہاب الدین عمر سہروردیؒ (وفات 632ھ) کا انتقال۔
حضرت عمرؓ کی شہادت اور حضرت عثمانؓ کی خلافت کا آغاز۔
✅ 2 محرم
حضرت امام حسینؓ کا کربلا پہنچنا۔
✅ 3 محرم
حضرت یوسف علیہ السلام کو کنویں سے نکالا گیا۔
✅ 4 محرم
حضرت عثمانؓ کی خلافت کا پہلا دن (24ھ)۔
✅ 7 محرم
حضرت موسیٰ علیہ السلام سے کوہِ طور پر کلام فرمایا گیا۔
غزوہ خیبر کا واقعہ۔
✅ 9 محرم
حضرت یونس علیہ السلام مچھلی کے پیٹ سے باہر آئے۔
حضرت موسیٰ، حضرت یحییٰ اور حضرت مریم علیہم السلام کی پیدائش۔
حضرت عمر بن عبدالعزیزؒ، ہشام بن عروہؓ اور قتادہؒ کی ولادت۔
محمود غزنویؒ کی ولادت۔
✅ 10 محرم (یوم عاشورہ)
واقعہ کربلا اور حضرت امام حسینؓ کی شہادت۔
ہلاکو خان کا بغداد پر قبضہ۔
فرعون کا غرق ہونا اور حضرت موسیٰ علیہ السلام کی نجات۔
شعب ابی طالب کے صحیفہ کا چاک ہونا۔
✅ 11 محرم
امام ترمذیؒ کا انتقال۔
✅ 15 محرم
حضرت علیؓ نے خیبر فتح کیا۔
✅ 16 محرم
قبلہ بیت المقدس سے کعبہ کی طرف تبدیل ہوا۔
✅ 17 محرم
حضرت سعد بن ابی وقاص نے کوفہ کی بنیاد رکھی۔
ابرہہ کی فوج پر ابابیل کا حملہ۔
✅ 18 محرم
عمواس کا طاعون۔
امام الحرمین الجوینیؒ کی ولادت۔
✅ 20 محرم
حضرت فاطمہؓ کا حضرت علیؓ سے نکاح۔
دوسری اسلامی سربراہی کانفرنس لاہور میں منعقد ہوئی۔
مفتی اعظم سعودی عرب شیخ ابن بازؒ کا انتقال (27 محرم 1420ھ)۔
عثمانی سلطنت کا قیام۔
✅ 21 محرم
امام ابو نعیم اصفہانیؒ کا انتقال۔
✅ 22 محرم
سعد الدین الحنفیؒ کا انتقال۔
✅ 23 محرم
مفسر ثعلبیؒ کا انتقال۔
✅ 24 محرم
عباسی خلیفہ محمد الامین کا قتل۔
✅ 25 محرم
امام زین العابدینؒ کا انتقال۔
مؤرخ قاضی محسن التنوخیؒ کا انتقال۔
✅ 27 محرم
شام کی فوج مکہ میں داخل ہوئی۔
محرم الحرام ہمیں یاد دلاتا ہے کہ ایمان اور حق کی راہ میں قربانیاں کس قدر عظیم ہوتی ہیں۔ حضرت حسینؓ کی شہادت صرف تاریخ کا واقعہ نہیں بلکہ قیامت تک مظلوموں کے لیے حوصلہ اور ظالموں کے لیے پیغام ہے کہ باطل جتنا بھی طاقتور ہو، حق پر غالب نہیں آ سکتا۔
اللہ ہمیں محرم الحرام کے فیوض و برکات سے مستفید ہونے کی توفیق عطا فرمائے۔ آمین۔
