بھارتی ائیر لائن کی پرواز میں مسلم نوجوان کو تھپڑ مارنے کی ویڈیو سوشل میڈیا پر وائرل ہوگئی۔
ائیر انڈیا کی پرواز میں مسلم دشمنی کا واقعہ دیکھنے میں آیا جہاں جہاز میں موجود ایک شخص نے مسلمان مسافر کو تھپڑ دے مارا۔
مسلم نوجوان کو سفر کے دوران گھبراہٹ کا دورہ پڑا، ایسے میں مدد کرنے کی بجائے ایک مسافر نے اسے تھپڑ مار دیا جس کی ویڈیو سوشل میڈیا پر بھی وائرل ہورہی ہے۔
وائرل ویڈیو میں مسافر کو مسلم نوجوان کو تھپڑ مارتے دیکھا جاسکتا ہے جب کہ جہاز کی ائیر ہوسٹس کی جانب سے تشدد کرنے والے شخص کو منع کیا گیا لیکن وہ باز نہ آیا۔
Muslim man was having a panic attack and crying, as it was his first time flying.
Cabin crew was helping him but a sanghi man slapped him just because he was wearing a skull cap.
This sanghi man should be barred from flying.pic.twitter.com/u6MHZy4QPh
— Dr Nimo Yadav 2.0 (@DrNimoYadav) August 1, 2025
بھارتی میڈیا کے مطابق ائیر لائن انتظامیہ کا کہنا ہے کہ اُنہوں نے اس واقعے کی اطلاع متعلقہ حکام کو دے دی ہے۔
تاہم ویڈیو وائرل ہونے کے بعد سوشل میڈیا صارفین کی جانب سے شدید غم و غصے کا اظہار کیا جارہا، تھپڑ مارنے والے پر فضائی سفر کی پابندی لگانے اور اُسے نو فلائی لسٹ میں ڈالنے کا مطالبہ بھی کیا جارہا ہے۔
دوسری جانب ڈاکٹروں کا کہنا ہے کہ گھبراہٹ کا دورہ پڑنے والے سے ہمدردی سے پیش آنا چاہیے۔
