اگر آپ کے سوئٹر رکھے رکھے خراب ہورہے ہیں؟ آپ کے نئے جوتوں پر نشانات پڑ گئے ہیں؟یا آپ کے کپڑوں پر میک اپ کے نشانات لگ گئے ہیں؟تو اب آپ کو ان چیزوں سے پریشان ہونے کی ضرورت نہیں ہے۔
ان تمام پریشانیوں سے نجات آپ منٹوں میں حاصل کرسکتے ہیں اور نجات کیسے حاصل کر سکتے ہیں؟ آیئے جانتے ہیں۔۔۔
[pullquote]٭ چمڑے کے جوتوں پر دھبے
[/pullquote]
چمڑے کے جوتوں پر دھبے لگ جائیں تو وہ بہت برے لگتے ہیں۔اس کے لیے آپ ایک ٹوتھ برش لیں اس کے اوپر سرکہ لگائیں اور اب اس سے ان دھبوں کو صاف کرلیں ۔اس سے آپ کے چمڑے کے جوتے ایک دم نئے اور چمکدار ہوجائیں گے۔اس کے علاوہ آپ ویزلین سے بھی چمڑے جوتے صاف کرسکتے ہیں اور اگر آپ کے چمڑے کے جوتوں کی چمک ختم ہوگئی ہے تو ایک تولیہ پر تھوڑا سا لوشن لگائیں اور جوتوں کو صاف کرلیں۔
[pullquote]٭ بٹن کو ٹائٹ کریں[/pullquote]
اگر آپ کی قمیض کا بٹن ڈھیلا ہوگیا ہے تو اس پر نیل شائنر لگالیں، یہ وقتی طور پر آپ کے بٹن کو ٹونٹے سے بچانے میں مددگار ثابت ہوگا۔اسی طرح اگر آپ کے چشموں کی کمانیاں ڈھیلی ہورہی ہیں تو اس پر بھی نیل شائنر لگا یا جاسکتا ہے۔
[pullquote]٭ سوئٹروں کو نیا بنائیں
[/pullquote]
اکثر گرم کپڑوں پر رُواں آجاتا ہے ،جس کے باعث سوئٹر وغیرہ پہننے میں برے لگنے لگتے ہیں۔اس کا ایک آسان ترین حل یہ ہے کہ آپ اپنے سوئٹر کو پلاسٹک کے بیگ میں رکھ کے پوری رات کے لیے فریز میں رکھ دیں۔ اس میں موجود تمام رُواں غائب ہوجائے گا۔
[pullquote]٭ کپڑوں کی بو دور بھگائیں
[/pullquote]
اگر آپ کو جلدی میں کہیں جانا ہے اور آپ کے کپڑوں میں سے بو آرہی ہے تو اس کو فوری بھگانے کے لیے پانی میں تھوڑا پرفیوم ملا کے ایک اسپرے کے ذریعے اپنے کپڑوں پر چھڑک کے استری کریں۔ اس سے آپ کے کپڑوں کی بدبو ختم ہوجائے گی۔
[pullquote]٭ کپڑوں پر میک کے داغ [/pullquote]
اکثر اوقات میک اپ کے دوران کپڑوں پر فاﺅنڈیشن لگ جاتی ہے ، جس کے باعث آپ کے نئے ناویلے کپڑے خراب ہوجاتے ہیں۔ اس کے لیے بھی ایک آسان حل یہ ہے کہ شیونگ کریم کو فاﺅنڈیشن کے داغ پر لگا دیں اور اس کو پانی سے صاف کرلیں ۔ اس سے فاﺅنڈیشن کا داغ بالکل صاف ہوجائے گا۔
[pullquote]٭ لپسٹک کا نشان
[/pullquote]
اگر آپ کے کپڑوں پر لپسٹک کا نشان لگ گیا ہے تو اس کو ہیر اسپرے سے صاف کیا جاسکتا ہے۔
[pullquote]٭ جوتوں کی مٹی
[/pullquote]
جوتوں کی مٹی کو صاف کرنے کے لیے نیل فائلر استعمال کیا جاسکتا ہے۔
[pullquote]٭ کپڑوں پر تیل کے داغ
[/pullquote]
کپڑوں پر سے تیل کے داغ ڈش واشنگ سوپ سے صاف کیے جاسکتے ہیں۔
[pullquote]٭ جوتوں کی بو[/pullquote]
اکثر لوگوں کے جوتوں میں سے بہت بدبو آتی ہے اس کی وجہ پسینے کا بہت آنا ہے۔اس بدبو کو دور بھگانے کے لیے آپ اپنے جوتوں میں کھانے کا سوڈا ڈال کے رکھ دیں، اس سے جوتوں کی بدبو دور ہوجائے گی۔
