شدید دھند اور حد نگاہ کی کمی کے باعث موٹروے ایم ون پشاور سے برہان اور ایم 5 ظاہر پیر سے اوچ شریف تک بند کردی گئی۔
موٹروے پولیس کے مطابق شدید دھند کے باعث ڈرائیورز کے لیے سفر خطرناک ہو گیا، ترجمان نے شہریوں کو غیر ضروری سفر سے گریز کی ہدایت کردی۔
پنجاب کے شہری علاقوں میں بھی دھند کا راج برقرارہے، کچھ دیر پہلے لاہور کو 397 ائیر پارٹیکولیٹ میٹر کے ساتھ پنجاب کا آلودہ ترین شہر قرار دیا گیا۔
محکمہ ماحولیات پنجاب کی ویب سائٹ کے مطابق قصور کا اے کیو آئی 368، مظفر گڑھ کا 315 اور نارووال کا 311 ریکارڈ کیا گیا۔
ماحولیاتی ویب سائٹ کے مطابق گوجرانوالہ میں اے کیو آئی 308 ریکارڈ کیا گیا جبکہ لاہور 194 اے کیو آئی کے ساتھ دنیا کے بڑے آلودہ ترین شہروں میں چوتھے نمبر پر ہے۔
