اسلام آباد کی قائداعظم یونیورسٹی کے گرلز ہاسٹل میں داخل ہونے والے نوجوان کو پکڑ لیا گیا جس کی ویڈیو بھی سامنے آگئی۔
نامعلوم شخص سکیورٹی کی سنگین خلاف ورزی کرتے ہوئے گزشتہ رات تقریباً 2 بجے گرلز ہاسٹل میں داخل ہوا جسے بعد ازاں ہاسٹل کے واش روم میں دیکھا گیا۔
ویڈیو میں مذکور شخص خود کو راول ڈیم کا رہائشی قرار دیتے ہوئے کہتا ہے کہ وہ پہلی مرتبہ ہاسٹل آیا ہے۔
وینزویلا کے صدر کو اٹھائے جانے کیبعد قائد اعظم یونیورسٹی کا واقعہ ظاہر کرتا ہے کہ کہیں بھی کچھ بھی ہوسکتا ہے
وڈیو میں گزشتہ رات تقریباً 2 بجے ایک نامعلوم شخص قائداعظم یونیورسٹی کے گرلز ہاسٹل میں داخل ہو کر گرلز ہاسٹل کے واش روم میں گھس گیا، طالبات انتظامیہ سے اس واقعے کے خلاف… pic.twitter.com/JzJXoqJngG— Haroon Anjum (@_Haroon79) January 4, 2026
واقعے کے بعد ہاسٹل میں شدید خوف و ہراس پھیل گیا جبکہ طالبات نے یونیورسٹی انتظامیہ کی جانب سے بروقت کارروائی نہ ہونے پر تحفظات کا اظہار کیا۔
طالبات نے سوال اٹھایا ہے کہ ایک گھنٹے کے دوران مذکورہ شخص ہاسٹل میں کیا سرگرمیاں انجام دیتا رہا اس کا بھی جواب دیا جائے، طالبات کے مطابق وہ واش روم میں گانے گاتا بھی پایا گیا۔
دوسری جانب پولیس نے بتایا کہ کل رات گرلز ہاسٹل نمبر 5 میں نوجوان دیوارپھلانگ کر داخل ہوا، طالبات کے شور پر لیڈی وارڈن اور سکیورٹی اسٹاف نےلڑکےکو پکڑ لیا تھا۔
