ٹائم میگزین کی رپورٹ کے مطابق صدر ٹرمپ نے 2026 کا آغاز ایک حیران کن اور متنازع فوجی کارروائی سے کیا، جس میں وینزویلا کے رہنما نیکولس مادورو کو گرفتار کر کے امریکی خارجہ پالیسی میں غیر ملکی مداخلت کے نئے خطرات کو اجاگر کیا۔
یہ اقدام ایسے وقت سامنے آیا جب ٹرمپ نے 2025 میں نوبل امن انعام نہ جیتنے کے بعد اپنی بین الاقوامی ساکھ کو دوبارہ مضبوط کرنے کی کوشش کی۔
کراکس میں اس کارروائی نے واضح کیا کہ وہ وہی سخت گیر حکمت عملی اختیار کر رہے ہیں جس کے خلاف وہ خود مہم چلاتے رہے، جس سے دنیا بھر میں تشویش پیدا ہوئی کہ دیگر ممالک بھی ممکنہ ہدف بن سکتے ہیں۔
ٹرمپ اور کولمبیا کے صدر گستاوو پیڈرو کے تعلقات پہلے ہی کشیدہ ہیں، اور ٹرمپ نے پیڈرو کو منشیات کے غیر قانونی رہنما قرار دیتے ہوئے کولمبیا میں ممکنہ فوجی کارروائی کی دھمکی دی ہے۔
کیوبا کے حوالے سے ان کے بیانات میں تضاد نظر آیا، ایک طرف انہوں نے اسے ناکام قرار دیا، مگر بعد میں کہا کہ مداخلت کی ضرورت نہیں، یہ خود گر جائے گا۔
وینزویلا کی کارروائی نے ٹرمپ کی گرین لینڈ کو امریکہ میں شامل کرنے کی پرانی خواہش کو دوبارہ اجاگر کیا، جس پر ڈنمارک کی وزیر اعظم میٹے فریڈرکسن نے سختی سے تردید کی۔ اس کے علاوہ امریکی صدر ڈونلڈ ٹرمپ کولمبیا کو بھی خبردار کر چکے ہیں۔
