لاہور: وزیراعلیٰ پنجاب مریم نواز کا کہنا ہے کہ نگہبان رمضان پیکج کے تحت تقریباً ڈھائی کروڑ افراد کو امدادی رقوم پہنچائی گئی ہیں۔
وزیراعلیٰ پنجاب کا کہنا ہے کہ صوبے میں نگہبان رمضان پیکیج 2026 کے تحت عوامی خدمت کا نیا ریکارڈ قائم کیا گیا اور خوشی کے ان لمحات میں کسی کو تنہا نہ چھوڑنے کا عہد پورا ہونے پر اللہ تعالیٰ کا شکر ادا کرتے ہیں۔
مریم نواز نے کہا کہ پہلی مرتبہ عوام کو عزت و احترام کے ساتھ ان کی دہلیز پر امدادی رقوم پہنچائی گئیں جبکہ اس پیکیج کے تحت تقریباً ڈھائی کروڑ افراد کو مالی امداد فراہم کی گئی۔
وزیراعلیٰ پنجاب نے کہا کہ ”مریم کو بتائیں“ پروگرام کے تحت 45 ہزار خاندانوں کو 10 ہزار روپے دیے گئے جبکہ صوبے بھر میں 40 لاکھ روزہ داروں نے 422 نگہبان دسترخوانوں پر افطار کیا۔
انہوں نے مزید کہا کہ 75 رمضان بازاروں میں روزانہ ساڑھے 5 لاکھ سے زائد شہریوں نے خریداری کی۔
