انسان کی زندگی میں سب سے اہم رشتہ اس کے والدین کا ہوتا ہے اور ماں کی بے غرض محبت کوتو ہمیشہ مثالیں دے کر بیان کیا جاتاہے۔ایسی ہی ایک ماں ہے جنہوں نے اپنی اولاد کے لئے کچھ ایسا کیا کے سب کو حیران کر کے رکھ دیا۔
چین سے تعلق رکھنے والی ایک خاتون نے منگولیا کے صحرا میں لاکھوں درخت اگا دیے یہ کام وہ پچھلے بارہ برس سے اپنے بیٹے کی خواہش کو پورا کر نے کے لئے کر رہی ہے یہ کام وہ اپنے بیٹے کی یاد کو تازہ رکھنے کے لئے کر رہی ہے جو سولہ سال پہلے جاپان میں ایک حادثہ کے نتیجے میں بحق ہوگیا تھا۔
جاں اس حادثہ نے اسے بری طرح متاثر کیا مگر بلاآخر اس نے اس رنج و غم سے نجات حاصل کرنے کے لئے ایک راستہ تلاش کیا اور اپنی زندگی کو اپنے بیٹے کے خواب کو پورا کرنے کے لئے وقف کردیا۔ اس کے اکلوتے بیٹے نے کہا تھا کہ وہ شمالی چین میں منگولیا میں بڑھتے ہوئے ریگستان کو روکنا چاہتا ہے۔ وہ بچپن ہی سے فطرت میں دلچسپی رکھتا تھا جیسے ہوا، بارش، پودے اور جانور۔
