راولپنڈی میں لال مسجد اسلام آباد کے نائب خطیب غازی عبدالرشید قتل کیس کی سماعت کے دوران قائم مقام ڈسٹرکٹ اینڈ سیشن جج کامران بشارت مفتی نے پرویز مشرف کی حاضری سے مستقل استثنا کی درخواست کو مسترد کر دی ۔
جج نے پرویز مشرف کو آئندہ سماعت میں پیشی کا حکم دیتے ہوئے نا قابل ضمانت وارنٹ بھی جاری کر دئے.
عدالت نے حکم دیا کہ پرویز مشرف کو گرفتار کر کے 24 جولائی کو عدالت میں پیش کیا جائے۔
عدالت نے کہا کہ اگر ایسا نہ کیا گیا تو سابق صدر پرویز مشرف کے ضامنوں کے خلاف بھی کارروائی کی جائے گی.
