میاں حامد
جنوبی امریکہ کے ملک ارجنٹائن میں ہر گھنٹے میں ایک بندہ روڈ ایکسیڈنٹ میں مرتا ہے اور اس کی ایک بڑی وجہ تنگ سڑکیں ہیں جہاں پر چھوٹی گاڑیوں والے جب کسی ٹرک کو ‘اوور ٹیک’ کرنے کی کوشش کرتے ہیں تو سامنے سے کچھ نظر نہ آنے کے سبب حادثات کا شکار ہوجاتے ہیں۔
سام سنگ نے اس سے نپٹنے کے لئے ‘سی تھرو’ ٹرک ڈیزائن کئے ہیں،اس میں ٹرک کے اگلے حصے پر ایک ‘وائی فائی’ کیمرہ نصب ہے جو کہ ٹرک کے پچھلے حصے پر موجود ‘ایل سی ڈی’ سے کنیکٹڈ ہے۔
اس طرح ٹرک کے پیچھے موجود گاڑیوں والے دیکھ سکتے ہیں کہ آگے سڑک پر کیا ہورہا ہے اور سامنے سڑک خالی ہونے کی صورت میں بحفاظت اوور ٹیک کرسکتے ہیں. اس ٹرک کے پروٹو ٹائپ کے کامیاب نتائج کے بعد امید ہے یہ جلد ہی مارکیٹ میں بھی دستیاب ہوگا‘
