اشتعال انگیز تقاریر کیس: بانی ایم کیوایم اشتہاری قرار

اسلام آباد کی انسداد دہشت گردی کی عدالت نے اشتعال انگیز تقاریر کیس میں بانی ایم کیوایم الطاف حسین کو اشتہاری قرار دیا۔

اشتعال انگیز تقاریر کیس کی سماعت انسداد دہشت گردی کی عدالت کے جج شاہ رخ ارجمند نے کی جس میں بانی ایم کیوایم کو ایک بار پھر اشتہاری قرار دیا گیا جب کہ عدالت نے الطاف حسین کے دائمی وارنٹ گرفتاری بھی جاری کردیئے۔

عدالت کی جانب سے دائمی وارنٹ کے بعد فائل داخل دفتر کردی گئی جس کے بعد اب ملزم کی گرفتاری پر کیس کی سماعت ہوگی۔

بانی ایم کیوایم کو پانچویں بار اشتہاری قرار دیا گیا ہے اس سے قبل وہ گولڑہ سیکریٹریٹ، بارہ کہو او کوہسار تھانوں میں درج مقدمات میں اشتہاری ہیں۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے