تین عشرے، مہنگائی، بے صبری اور فضول خرچی

کون سا رمضان ؟؟؟

صفتین خان

اسلام آباد

صفتین خان
صفتین خان

ایک ایسا مہینہ جس کا پاکستان میں پہلا عشرہ مھنگائی دوسرا بے صبری اور تیسرا فضول خرچی میں گزرتا ھے ۔

افراط و تفریط کا شکار یہ معاشرہ عبادت کا ذوق رکھتا ھے نہ کسی توازن کا شعور ۔۔۔۔ ہر معاملہ میں ظاہر پرستی کا شکار ۔۔۔۔ تراویح کی مقدار پر مناظرہ کرنے والا ۔۔۔ ختم قرآن کے مقابلوں کا موسم ۔۔۔۔ اوائل میں جوش اور آخر میں بے نیازی ۔۔۔۔ نوافل کی تعداد پر بحثیں ۔۔۔۔۔ فضائل کی محفلیں ۔۔۔ درس قرآن کی مجالس ۔۔۔۔ مگر حقیقی روح ناپید ۔۔۔ احساس ندارد ۔۔۔۔۔ تعصب قائم ۔۔۔ بغض موجود ۔۔۔۔ ظلم نمایاں ۔۔۔۔ جھوٹ مضبوط ۔۔۔۔ بد عنوانی قابل فخر ۔۔۔۔ زیادتی حرف مکرر ۔۔۔۔ فرقہ پرستی عروج پر ۔۔۔۔۔۔۔  میڈیا شعبدہ بازی کا عنوان ۔۔۔ اہل علم کی جگہ سطحی مولوی فتاوی کے تیر لئے سامنے ۔۔۔ فقہی جزئیات مرکز موضوع ۔۔۔۔۔ سیاسی افطار پارٹیاں ۔۔۔۔ لگژری کھانے ۔۔۔۔  فائیو سٹار ھوٹل ۔۔۔۔ غیر منظم ٹریفک ۔۔۔۔ دھکم پیل ۔۔۔۔۔ اعتکاف کے نمائشی ڈرامے ۔۔۔۔  روزوں کی کثرت ۔۔۔۔۔ نمازوں سے بے پروائی ۔۔۔۔۔۔

اس منافقت کی عملی ذاتی مثال  ۔۔۔ عید کے دن ایک صاحب پرانے کپڑوں میں ملبوس اور مجال ھے احباب میں سے کسی نے پوچھا ھو ایسا کیوں ۔۔۔۔۔ بدترین منافقت اور سطحیت کا شکار ھے یہ معاشرہ ۔۔۔۔۔ پورے مہینہ کے بعد صدقہ فطر کی مقدار کتنے روپوں کے برابر ھے پر جھگڑنے والا کیا انفاق سبیل اللہ کرے گا ۔۔۔۔ اور اسی سے ثابت ھوا کہ کتنا اثر ھوتا ھے اس ایک ماہ کی تربیت کا ۔۔۔

یہ مہینہ جس کا مقصد ھی ظاہریت سے نکال کر لوگوں میں دین کی حقیقی باطنی روح پھونکنا تھا اب خود ظاہر پرستی کا بدترین مرکز بن چکا ھے ۔۔۔۔ ویسے تو ھندوستان کے لوگوں کے مزاج میں ظایری چیزوں کی حد سے زیادہ اہمیت ھمیشہ سے  رھی ھے مگر آجکل اس میں سب سے زیادہ کردار ھمارے میڈیا نے ادا کیا ھے ۔۔ ایک خالصتا باطنی عبادت کو کمرشلائز کر کے رکھ دیا جس سے لوگوں میں اس سے وابستہ مادی فوائد اہمیت اختیار کر گئے ۔۔۔۔ علما کی جگہ اداکاروں نے لے لی ۔۔۔۔ نت نئے مھنگے پکوانوں کے باقاعدہ پروگرام پیش کئے جانے لگے قطع نظر اس کے کہ ھمارےمعاشرے میں اکثریت کی مالی سطح کیا ھے ۔۔۔۔ شب قدر جیسی انفرادی عبادت کو اجتماعی عبادت میں بدل دیا جس سے اس کا مقصد ختم ھو کر رہ گیا ۔۔۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

آئی بی سی فیس بک پرفالو کریں

تجزیے و تبصرے