[pullquote]ڈالر کی قیمت میں پانچ روپے کی بڑی کمی[/pullquote]
کراچی: آئی ایم ایف سے معاہدے کے بعد کاروباری ہفتے کے پہلے روز ڈالر کی قیمت میں پانچ روپے کی بڑی کمی دیکھی گئی، ڈالر 280 روپے پر خریدا گیا۔
ایکس چینج کمپنیوں کے پاس ڈالر خریدنے کے لیے سرمایہ ختم ہوگیا جس کے بعد ایکس چینج کمپنیوں کے کاؤنٹرز بند کر دیے گئے۔
آئی ایم ایف معاہدے کے بعد روپے کی قدر میں استحکام کے باعث ڈالر بیچنے والوں کی قطاریں لگ گئیں جس کے باعث ڈالر میں منتقل کیا گیا سرمایہ واپس آنا شروع ہوگیا۔
چیئرمین پاکستان فاریکس ایکسچینج ایسوسی ایشن ملک بوستان کا کہنا ہے کہ انٹربینک مارکیٹ کھلنے پر کل ڈالر کی قیمت میں مزید کمی ہوگی۔
[pullquote]سونے کی قیمت میں ہزاروں روپے کی کمی[/pullquote]
کراچی: ملکی سطح پر سونے کی قیمت کئی ہزار روپے کی بڑی کمی واقع ہوئی ہے۔
مقامی صرافہ بازاروں میں سونے کی فی تولہ قیمت میں بڑی کمی واقع ہوئی ہے اور فی تولہ قیمت 8 ہزار روپے تک کم ہوگئی ہے۔ اطلاعات ہیں کہ اس کمی کے بعد سونے کی فی تولہ قیمت دو لاکھ 8 ہزار روپے کی سطح پر آگئی ہے۔
ذرائع صرافہ مارکیٹ کے مطابق تعطیلات سے قبل سونے کی قیمت 2 لاکھ 16 ہزار روپے ریکارڈ کی گئی تھی جو اب دولاکھ 8 ہزار روپے کی سطح پر آئی ہے۔
