ایرانی وزیرِ خارجہ عباس عراقچی کے رواں ہفتے بھارت کے دارالحکومت نئی دہلی پہنچنے کا امکان ہے، جہاں وہ 14 مئی کو برکس وزرائے خارجہ اجلاس میں شرکت کریں گے۔
بھارتی میڈیا رپورٹس کے مطابق یہ اجلاس ستمبر میں نئی دہلی میں ہونے والے 18 ویں برکس سربراہی اجلاس کی تیاریوں کے سلسلے میں منعقد کیا جا رہا ہے۔
برکس اتحاد اس وقت 11 بنیادی رکن ممالک پر مشتمل ہے، جن میں روس، چین اور ایران بھی شامل ہیں، جبکہ بھارت اس وقت تنظیم کی سربراہی کر رہا ہے۔
تجزیہ کاروں کے مطابق خطے میں بڑھتی کشیدگی اور عالمی سفارتی سرگرمیوں کے تناظر میں ایرانی وزیرِ خارجہ کی یہ متوقع شرکت اہم سمجھی جا رہی ہے۔
