وفاقی حکومت نے پنجاب حکومت سے نوازشریف کی میڈیکل رپورٹس پرماہرانہ رائے مانگ لی۔
اٹارنی جنرل آفس نے وفاقی کابینہ کے فیصلے کی روشنی میں پنجاب حکومت کو خط لکھا جس میں لاہور ہائیکورٹ میں جمع ہونے والی رپورٹس پر متعلقہ ماہرین سے رائے لینے کی ہدایت کی گئی ہے۔
ذرائع کا کہنا ہے کہ ماہرین کی رائے ملنے پر سابق وزیراعظم نوازشریف کی واپسی سے متعلق آئندہ کا لائحہ عمل اپنایا جائے گا۔
ذرائع کے مطابق ماہرین نے نواز شریف کی صحت بہتر قرار دی تو ان کے معالج سے رابطہ کیا جائے گا۔
واضح رہےکہ وفاقی کابینہ نے نواز شریف کے معاملے پر شہباز شریف کے خلاف لاہور ہائیکورٹ سے رجوع کرنے کا فیصلہ کیا ہے اور اس سلسلے میں اٹارنی جنرل کو درخواست تیار کرنے کی ہدایات بھی جاری کردی گئی ہیں۔
