محبت ہوگئی دوبارہ پھر سے

پاکستانی رومانوی فلم ’دوبارہ پھر سے‘ ایک عام انسان کی زندگی میں دوستی کے رشتوں کی اہمیت کی کہانی ہے۔

اے آر وائی فلمز کی جانب سے ریلیز کی جانے والی اس فلم کی ہدایات مہرین جبارنے دی ہیں جو اس سے قبل ایک آرٹ فلم ’رام چند پاکستانی‘ بھی بنا چکی ہیں۔ فلم کے نمایاں اداکاروں میں حریم فاروق، عدیل حسین، طوبیٰ صدیقی، علی کاظمی اور صنم سعید اور عتیقہ اوڈھو شامل ہیں۔

13692491_872684592837088_3596971611948537634_n

فلم جو کہیں کہیں طوالت کا شکار نظر آتی ہے اپنے اندر ایک کہانی لیے ہوئے ہے جس میں ایک لڑکی زینب (حریم فاروق) جس کی شادی کم عمری میں اپنے بچپن کے دوست ہوجاتی ہے اور جسے وقت گزرنے کے ساتھ احساس ہوتاہے کہ یہ شادی کامیاب نہیں ہوسکتی اپنے شوہر سے طلاق حاصل کرلیتی ہے۔ اس ہی دوران اس کی ملاقات حماد (عدیل حسین ) سے ہوجاتی ہے جو ایک لاابالی لڑکا ہونے کے ساتھ انتہائی حساس ہے اور زینب سے حقیقی محبت کرنے لگتا ہے۔ کہانی میں محبت کا مثلث بھی دکھایا گیا ہے جبکہ دوستی کی جذبے اور اس رشتے کی اہمیت کو بھی اجاگر کیا گیا ہے۔

14572283_940217616083785_8917607195829402481_n

دوبارہ پھر سے گو کہ ایک کمرشل فلم ہے لیکن کئی جگہ پر محسوس ہوتا ہے کہ طویل دورانیے اور بڑے بجٹ کی کوئی آرٹ فلم دیکھ رہے ہیں۔ فلم میں کل سات گانے شامل ہیں لیکن زیادہ تر گانے پس منظر میں ہیں۔ البتہ ’لڑگیاں‘ ایک شادی کا ڈانس نمبر ہے جسے آئٹم نمبر ہونے سے دوررکھا گیا ہے۔ فلم زیادہ تر امریکہ کے شہر نیویارک میں فلمائی گئی ہے جبکہ کچھ حصہ کراچی میں بھی ریکارڈ کیا گیا ہے۔

13699956_872690082836539_456311293280815025_n

فلم کی کہانی مظبوط ہے لیکن طوالت اور غیرضروری سین ڈالنے کی وجہ سے کہیں کہیں بوریت کا احساس ہوتا ہے لیکن کہانی میں آخر تک سسنپس موجود ہے جو ناظرین کو فلم مکمل ہونے تک بٹھائے رکھتا ہے۔ فلم کا پہلا نصف زیادہ دلچسپ ہے جبکہ دوسرے نصف میں کہانی کو بلاوجہ طول دیا گیا ہے۔ اس کے علاوہ فلم کے سپنانسرز کو بلا ضرورت دکھانے کی کوشش کی گئی ہے۔ تکنیکی لحاظ سے بھی فلم اچھی ہے اور مناسب فریمنگ اور کیمرہ ورک سکرین کو پرکشش بنا رہا ہے۔ فلم کی موسیقی کا معیار بھی اعلیٰ ہے اور کہیں بھی بازاری قسم کے بول شامل نہیں ہیں۔

13754243_871599819612232_2701770841499904942_n

اداکاری میں علی کاظمی واسع اور طوبٰی صدیقی نتاشہ کے کردار میں سب پر بازی لے گئے ہیں۔ عدیل حسین کچھ مناظر میں اپنے کردار پر مکمل گرفت حاصل کیے نظر آئے جبکہ کہیں وہ اس گرفت کو چھوڑتے ہوئے دکھائی دیے۔ سینئر اداکاروں میں عتیقہ اوڈھو نے مختصر کردار میں متاثر کن اداکاری کی۔

14595719_940217569417123_8826593209453480201_n

مہرین جبار ہدایت کاری کی دنیا میں ایک جانا مانا نام ہیں جن کے پروفیشنلزم کا ذکر پاکستان سے باہر بھی کیا جاتا ہے۔ لیکن ایسا لگتا ہے کہ پہلی مکمل کمرشل فلم بناتے ہوئے انہوں نے ہاتھ تھوڑا ہلکا رکھا ہے۔ مہرین جبار کی صلاحیتوں پر کوئی شک نہیں اور امید ہے کہ اگر وہ کمرشل فلم پر کھل کر کام کرتی ہیں تو ایک بہترین کام تخلیق کرسکتی ہیں۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے