نشاط حسن
لاہور
سلمان شاہد ایڈوکیٹ ہائی کورٹ کے وکیل ہیں اور پنجاب یونی ورسٹی سے انگش لٹریچر میں ماسٹر کر رہے ہیں ۔ وہ مولانا عبدالعزیز کی بڑی صاحبزادی کے شوہر ہیں ۔
منگل کی شب ساڑھے بارہ بجے تقریبا 13 مسلح افراد ان کے گھر میں داخل ہوئے ۔
انہوں نے پورے گھر کی تلاشی لی اور جاتے ہوئے سلمان شاہد ایڈوکیٹ کو زبردستی گاڑی میں ڈال کر نامعلوم مقام پر لے گئے ۔
سلمان شاہد ایڈوکیٹ کے بارے میں ابھی تک معلومات نہیں مل سکیں ۔
مقامی تھانہ بھی اس صورتحال سے لاعلم ہے ۔
دوسری جانب سلمان شاہد ایڈوکیٹ کی خوشدامن ام حسان نے آئی بی سی اردو سے بات کر تے ہو ئے کہا کہ سلمان شاہد کا کسی مذہبی تنظیم یا سر گرمی سے کوئی تعلق نہیں ۔
انہوں نے مطالبہ کیا سلمان کو فی الفور بازیاب کرایا جائے ۔
ام حسان نے سلمان شاہد ایڈوکیٹ کے حوالے سے پریس کانفرنس بھی کی ۔
سلمان شاہد کی بازیابی کے لیے جامعہ حفصہ کی طالبات نے لال مسجد کے سامنے احتجاجی دھرنا بھی دیا ۔
ام حسان کا کہنا ہے کہ اگر سلمان شاہد کو بازیاب نہ کرایا گیا تو مستقل دھرنا دیں گے اور حالات کی ذمہ داری چودھری نثار ،نواز شریف اور شہباز شریف پر ہوگی ۔
