وفاقی دارالحکومت اسلام آباد میں تیز ہوائوں کے ساتھ بارش سے موسم خوشگوار ہوگیا ۔
محکمہ موسمیات کا کہنا ہے کہ اسلام آباد،پنجاب، خیبرپختونخوا ،گلگت بلتستان اور کشمیر میں چند مقامات پر آئندہ دو روز میں وقفے وقفے سے بارش کا امکان ہے۔
[pullquote]وفاقی دارالحکومت اسلام آباد میں کالی گھٹائیںچھاگئیں،مارگلہ کے پہاڑوں کے ساتھ تیرتے سرمئی سفید بادلوں نے اسلام آباد کی فضاوں کو افسانوی روپ بخشا ۔[/pullquote]
تیز ہواوں کے مست جھونکوں کےساتھ رم جھم شروع ہوگئی اورپھر موسلادھاربارش نے جل تھل ایک کردیا، حبس اور گرمی کازورٹوٹ گیا ۔
محکمہ موسمیات کاکہناہےکہ آئندہ 2 روز کے دوران اسلام آباد ،راولپنڈی،گوجرانوالہ،لاہور، ملتان،ڈی جی خان، بہاولپور، مالاکنڈ، ہزارہ،پشاور ڈویژن،گلگت بلتستان اور کشمیر میں چند مقامات پر تیز ہوائوں،آندھی اور گرج چمک کےساتھ بارش کا امکان ہے ۔
ملک کے بیشتر علاقوں میں دن کے وقت موسم گرم اور مرطوب رہے گا، پنجاب کے میدانی علاقوں،بالائی سندھ اور وادی پشاور شدید حبس کی لپیٹ میں رہے گا۔