پاک افغان طورخم بارڈر پر انسانی ہمدردی کی بنیاد پر 10 روزہ افغان نومولود کو علاج کے لیے پاکستان میں داخلے کی خصوصی اجازت دے دی گئی، نومولود بچہ ایف سی اسپتال میں زیرعلاج ہیں۔
سرکاری حکام کے مطابق افغانستان کے شہر جلال آباد سے تعلق رکھنے والا بیمار نومولود بچے کو والدین کے ہمراہ طورخم بارڈر کے راستے پاکستان میں علاج کیلئے داخلے کی اجازت دے دی گئی ہے۔
حکام کا کہنا ہے کہ نومولود بچہ ایف سی اسپتال میں زیر علاج ہے جہاں اسے ضروری طبی سہولیات فراہم کی جا رہی ہیں۔
سرکاری حکام کے مطابق بچے کی نازک صحت کے پیشِ نظر پاکستانی حکام نے انسانی ہمدردی کی بنیاد پر بروقت علاج کی فراہمی کے لیے پاکستان میں داخلے کی خصوصی اجازت دی ہے۔
