کراچی کے معروف دینی مدرسے نے 14 گست کے موقع پر پاک وطن کے نام سے ملی نغمہ تیار کیا ہے جس میں جنید جمشید ، نعمان شاہ ، حافظ ابو بکر اور انس یونس نے اپنی آواز کا جادو جگایا ہے
اس ملی نغمے کی سب سے حیران کن بات یہ ہے کہ اس میں دار العلوم کراچی کے مفتی اعظم مفتی محمد رفیع عثمانی ، مفتی نقی عثمانی اور جامعہ بنوریہ عالمیہ سائٹ کراچی کے مہتمم مفتی محمد نعیم نے قوم کے نام وحدت اور یگانگت کے حوالے سے اپنے خصوصی پیغامات بھی ریکارڈ کرائے ہیں۔ ان پیغامات میں علماٗ نے کھلے الفاظ میں دہشت گردی اور فرقہ وارایت کی شدید الفاظ میں مذمت کر تے ہوئے قوم سے مطالبہ کیا ہے کہ وہ اتحاد اور اتفاق کو ہر صورت اپنے پیش نظر رکھیں ۔ دینی مدارس کی جانب سے پہلی بار اس انداز سے قوم کے نام ایسا شاندار پیغام دیا گیا ہے جس سے دینی مدارس کا مثبت تاثر اجاگر ہوا ہے ۔
ملی نغمے کا مرکزی خیال سلمان ربانی کا ہے جبکہ ان کے ساتھ اس خیال پر کئی لوگوں نے تعاون کیا ہے ۔
