اسلام آباد میں لوکل باڈیز الیکشن کیمپین کے حوالے سے عمران خان کا جلسہ منعقد ہورہا ہے۔
لیکن وی آئی پروٹوکول کے خلاف آواز اُٹھانے والی تحریک انصاف کے اس جلسے نے عوام کو مشکل میں ڈال دیا، جب پولیس نے ترامڑی روڈ بلاک کردیا۔
گذشتہ گھنٹوں سے روڈ کی بندش کی وجہ سے نہ صرف سکولز سے واپس جانے والے بچوں کو پریشانی کا سامنا کرنا پڑا، بلکہ اسی روڈ سے منسلک مشہور یونیورسٹی کامسٹس کے طلبہ اور اساتذہ بھی مشکل میں پڑ گئے ہیں ۔
کامسٹیس یونیورسٹی کے ایک پروفیسر نے آئی بی سی اردو سے گفتگو کرتے ہوئے کہا کہ یونیورسٹی میں امتحانات ہورہے ہیں اور شام کی اوقات والے طلبہ روڈ کی بندش کی وجہ سے نہیں آپارہے، جبکہ چھٹی کرکے واپس جانے والے طلبہ اور اساتذہ بھی واپسی کے لئے پریشان ہیں ۔
ایک شہری کا کہنا تھا کہ گذشتہ روز ایم کیو ایم کی ریلی پر مقدمہ درج کرلیا گیا تو یہاں لوگوں کو پریشان کرنے والوں کے خلاف کروائی عمل میں کیوں نہیں لائی جارہی۔
