بھارتی جوڑے نے حج کیلئے جمع کیے ہوئے 10 ہزار ڈالرز سے غریبوں کی مدد کر دی

بھارت سے تعلق رکھنے والے عارف شاہ رواں سال حج کی سعادت حاصل کرنے کے لیے بے حد خوش تھے اور انہوں نے اپنی اہلیہ اور صاحبزادے کے ساتھ حج کرنے کے لیے کئی سالوں سے رقم جوڑ رکھی تھی۔

لیکن وبائی مرض کورونا وائرس کی وجہ سے جب حکام نے لاک ڈاؤن کا اعلان کیا تو انہوں نے اور ان کی فیملی نے حج کا ارادہ ترک کرتے ہوئے ان پیسوں سے غریبوں کی مدد کرنے کا ارادہ کیا۔

عارف شاہ کا کہنا تھا کہ وہ اس سال مکہ اور مدینہ جانا چاہتے تھے لیکن اس دوران کورونا وائرس آگیا اور ہمیں لگا کہ اللہ کو یہ منظور نہیں کہ ہم اس سال تشریف لائیں تو ہم نے اس رقم کو کسی نیک کام میں استعمال کرنے کا سوچا۔

انہوں نے بھارت میں کورونا وائرس کی وجہ سے بے شمار بے روزگار اور غریب اور نادار افراد کی مدد کرنے کے لیے راشن بیگز بنا کر تقسیم کیے۔

عارف شاہ اور ان کے بیٹے نے غریبوں کی مدد کے لیے راشن اور ضروری اشیاء کے پیکٹس بنا کر تقسیم کیے تاکہ یہ لوگ بھی دو وقت کا کھانا کھا سکیں۔

خیال رہےکہ بھارت میں کورونا وائرس سے متاثرہ افراد کی تعداد 16 لاکھ سے تجاوز کر چکی ہے جب کہ وئرس سے ہلاک ہونے والوں کی تعداد 35 ہزار سے زائد ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے