وزیرخارجہ شاہ محمود قریشی نے اپوزیشن رہنماؤں کو مسئلہ کشمیر پر بات چیت کی پیشکش کی ہے۔
سینیٹ میں اظہار خیال کرتے ہوئے شاہ محمود نے کہا کہ مسئلہ کشمیر پر متفقہ لائحہ عمل ہونا چاہیے، سیاست سے بالاتر ہوکر کشمیر کے مسئلے پر بات کریں۔
انہوں نے شیری رحمان، نوید قمر، مشاہد حسین سے کہا کہ آئیں بیٹھیں بات کریں، سیاسی مصلحتوں سے آزاد ہوکر کشمیر کےلیے گنجائش پیدا کریں، کیا 72سال میں ن لیگ اور پیپلزپارٹی کو موقع نہیں ملا۔
شاہ محمود نے کہا کہ کشمیر کا مسئلہ اجاگر کرنے کےلیے مولانا فضل الرحمان جتنا طویل موقع کسی پارلیمنٹیرین کو نہیں ملا۔
