وفاقی وزیر برائے سائنس و ٹیکنالوجی فواد چوہدری کا کہنا ہے کہ ڈسکہ کے ضمنی الیکشن میں مسلم لیگ ن نہیں جیتی بلکہ پی ٹی آئی ہاری ہے۔
سوشل میڈیا پر جاری اپنے بیان میں فواد چوہدری کا کہنا تھا کہ ہار کی وجوہات کی طرف وہ پارٹی میں توجہ دلاتے رہے ہیں۔
مریم نواز کے گزشتہ روز کے بیان پر ردعمل دیتے ہوئے وفاقی وزیر کا کہنا تھا کہ نواز شریف کا کوئی نظریہ نہیں ہے، نا ہی نون لیگ کوئی نظریاتی جماعت ہے، ایک طویل عرصہ اقتدار میں رہنے کی وجہ سے مفاداتی ٹولہ بن جاتا ہے، ان حواریوں کو نظریاتی نہیں کہا جا سکتا۔
فواد چوہدری کا کہنا تھا کہ پاکستان میں جمہوریت کی امید عمران خان ہیں، ان کے مقابلے میں کوئی سیاسی قد کاٹھ کا لیڈر نہیں ہے، بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہو گا۔
نواز شریف کا کوئ نظریہ نہیں ہے نہ ہی نون لیگ کوئ نظریاتی جماعت ہے ایک طویل عرصہ اقتدار میں رہنے کی وجہ سے مفاداتی ٹولہ بن جاتا ہے ان حواریوں کو نظریاتی نہیں کہا جا سکتا، ڈسکہ میں نون لیگ نہیں جیتی PTI ہاری ہے اور اس کی وجوہات ہیں جن کی طرف میں پارٹی کے اندرتوجہ دلاتا ہی رہا ہوں https://t.co/CNVA3JxdE6
— Ch Fawad Hussain (@fawadchaudhry) April 11, 2021
وفاقی وزیر کا کہنا تھا کہ تحریک انصاف کو اپنی صفیں درست کرنا ہوں گی، اس ملک کا مستقبل پی ٹی آئی اور عمران خان کی کامیابی سے وابستہ ہے۔
پاکستان میں جمہوریت کی امید عمران خان ہیں، ان کے مقابلے میں کوئ سیاسی قد کاٹھ کا لیڈر نہیں ہے، بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہو گا، PTI کو اپنی صفیں درست کرنا ہوں گی اس ملک کا مستقبل PTI اور@ImranKhanPTI کی کامیابی سے وابستہ ہے
— Ch Fawad Hussain (@fawadchaudhry) April 11, 2021