تحریک لبیک کی جانب سے اپنے قائد سعد رضوی کی حمایت میں گذشتہ روز ایک ٹرینڈ شروع کیا گیا جس کے تحت اب تک تیرہ لاکھ کے قریب لوگ ٹویٹ کر چکے ہیں . بتایا جاتا ہے کہ اس سے پہلے پاکستان میں اتنی بڑی تعداد میں اور اتنی دیر کوئی ٹرینڈ ٹاپ پر نہیں رہا .
تحریک لبیک کے کارکن محمد اسماعیل رضوی کے مطابق جیل میں ان کے علامہ حافظ سعد حسین رضوی پر ظلم کیا جارہا ہے . جیل میں ان کا پنکھا بند کر دیا جاتا ہے ، کھانا اور کپڑے نہیں پہنچائے جاتے جس کی وجہ سے کارکنان غصے میں ہیں .ان کے مطابق انیس گھنٹے سے ٹویٹر #سعد رضوی پر ظلم بند کرو کا ہیش ٹیگ ٹاپ ٹرینڈ ہے .
اس ٹرینڈ پر روزنامہ جنگ کے کالم نگار اور ہم سب ویب سائٹ کے مدیر وجاہت مسعود نے اپنے ٹویٹ میں لکھا ہے کہ
"تحریک لبیک کے سربراہ سعد رضوی کی حمایت میں کل سے ایک ٹرینڈ چل رہا ہے۔ قومی اسمبلی کے رکن علی وزیر کے حق میں ایسا کوئی ٹرینڈ میں نے اب تک نہیں دیکھا۔ علی وزیر سرکاری ٹکسال پر گھڑے الزامات میں چھ ماہ سے کراچی میں قید ہیں۔ سنا گیا ہے کہ کوئی بڑے صاحب ان سے معافی منگوانا چاہتے ہیں”
