پاکستان ڈیموکریٹک موومنٹ (پی ڈی ایم) کے ترجمان حافظ حمداللہ نےکہا ہے کہ عمران خان نے 12 اکتوبر 1999 کے مارشل لا کی حمایت کی تھی، آج بھی ملک پر عمران خان اور ایسے 17 وزرا مسلط ہیں جو مشرف کی کابینہ کا حصہ تھے۔
ترجمان پی ڈی ایم حافظ حمد اللہ کی جانب سے 12 اکتوبرکے مارشل لا پر ٹوئٹر پر بیان جاری کیا گیا ہے۔
حافظ حمداللہ نے 12 اکتوبر 1999 کو پاکستان کی تاریخ کے سیاہ دنوں میں سے سیاہ ترین دن قرار دیتے ہوئےکہا ہے کہ آج کے دن ڈکٹیٹر مشرف نے منتخب وزیراعظم اور منتخب پارلیمنٹ کو گھر بھیج دیا۔
ڈکٹیٹر مشرف نے میڈیاکی آزادی سلب کی نیب جیسے انتقامی ادارے
کوجنم دیابد قسمتی سے آج بھی ملک پر عمران خان اوران کے سترہ وزراء جومشرف کے ساتھ کابینہ میں تھے مسلط ھے،
عمران خان نے بھی بارہ اکتوبر کے ماشل لاء کی حمایت کی تھی،ریفرنڈم میں مشرف کاساتھ دیاتھا
+— Hafiz Hamdullah (@iHafizHamdullah) October 12, 2021
حافظ حمداللہ نے کہا کہ ملک میں مارشل لا نافذ کرکے آئین کومعطل کیا گیا جس کی وجہ سے آئینی اور انسانی حقوق معطل ہوگئے، اسی دن ایک منتخب وزیراعظم کے ہاتھوں میں ہتھکڑیاں ڈال کر اسے جیل میں پابند سلاسل کیا گیا ، بیک وقت پارلیمنٹ ، منتخب حکومت ، آئین اورعوام کے ووٹ کی توہین کی گئی ۔
انہوں نے کہا کہ یہ جس ڈکٹیٹر نے کیا اس کے خلاف پشاور ہائی کورٹ کے چیف جسٹس سیٹھ وقار کافیصلہ موجود ہے، مشرف نے میڈیاکی آزادی سلب کی اور نیب جیسے انتقامی ادارے کوجنم دیا ، بد قسمتی سے آج بھی ملک پر عمران خان اوران کے 17 وزرا جو مشرف کے ساتھ کابینہ میں تھے مسلط ہیں، عمران خان نے بھی 12 اکتوبر کے ماشل لا کی حمایت کی تھی اور ریفرنڈم میں مشرف کا ساتھ دیا تھا۔
