گوا: شنگھائی تعاون تنظیم کے اجلاس میں شرکت کے لیے پاکستانی وزیر خارجہ بلاول بھٹو زرداری پہنچ گئے، جہاں بھارتی ہم منصب نے ان کا خیر مقدم کیا۔
بھارت کے شہرگوا میں شنگھائی تعاون تنظیم کے رکن ممالک کے وزرائے خارجہ اجلاس سے خطاب میں بلاول بھٹو زرداری نے کہا کہ ایس سی او اجلاس میں پاکستان کی نمائندگی میرے لیے اعزازکی بات ہے، پاکستان شنگھائی تعاون تنظیم کو اہم علاقائی پلیٹ فارم سمجھتا ہے۔
وزیر خارجہ نے کہا کہ سب ممالک دیرینہ، تاریخی، ثقافتی، تہذیبی اور جغرافیائی رشتوں میں بندھے ہیں،پاکستان اصل شنگھائی اسپرٹ میں موجودمشترکہ ترقی پرپختہ یقین رکھتا ہے، مشترکہ ترقی کا اصول علاقائی، اقتصادی روابط اورتعاون پاکستان کے وژن سے ہم آہنگ ہے، یوریشین کنیکٹیوٹی کا وژن اگلی سطح تک لےجانےکیلئے یہ اہم پلیٹ فارم ہوسکتاہے، ہم ستمبر 2023 میں علاقائی خوشحالی کیلئے ٹرانسپورٹ کنیکٹیوٹی کانفرنس کی میزبانی کے منتظر ہیں۔
📸 FM @BBhuttoZardari among SCO Foreign Ministers participating in Council of Foreign Ministers in Goa.#PakFMatSCO
🇵🇰🤝🌍 pic.twitter.com/64npTyMFsB
— Spokesperson 🇵🇰 MoFA (@ForeignOfficePk) May 5, 2023
قبل ازیں ترجمان دفتر خارجہ ممتاز زہرہ بلوچ نے دونوں رہنماؤں کے ہاتھ ملانے پر ردعمل دیتے ہوئے کہا تھا کہ بلاول اور جے شنکر کے درمیان مصافحہ معمول کا رسمی عمل ہے۔
دریں اثنا وزیر خارجہ بلاول بھٹو زرداری نے کہا ہے کہ ایک پرامن اور مستحکم افغانستان نہ صرف علاقائی اور اقتصادی تعاون کے لیے ضروری ہے، بلکہ خطے میں امن کے لیے بھی پرافغانستان میں امن انتہائی ضروری ہے۔
FM @BBhuttoZardari has arrived to attend the #SCO Council of Foreign Ministers. #PakFMatSCO pic.twitter.com/4feRMUa9uc
— Spokesperson 🇵🇰 MoFA (@ForeignOfficePk) May 5, 2023
انہوں نے کہا کہ پاکستان تمام بین الاقوامی فورمز پر قائدانہ کردار ادا کرتا رہتا ہے۔ جب بڑی طاقتیں امن ساز کا کردار ادا کرتی ہیں، تو ہم اپنے لوگوں کے لیے وسیع تر تعاون، علاقائی یکجہتی اور اقتصادی مواقع کی راہ ہمواریں ہموار کر سکتے ہیں۔