سپریم کورٹ نےن لیگ کے رکن قومی اسمبلی جسٹس ریٹائرڈ افتخاراحمد چیمہ کو نااہل قرار دیتے ہوئے این اے 101 گوجرانوالا میں دوبارہ الیکشن کرانے کا حکم دے دیا ۔
چیف جسٹس پاکستان انور ظہیر جما لی کی سربراہی میں 3 رکنی بنچ نے مسلم لیگ جونیجو کے امیدوار احمد چٹھہ کی الیکشن ٹریبونل کے فیصلے کے خلاف درخواست کی سماعت کی ۔ احمدچٹھہ کے وکیل سید حامد علی شاہ نے کہاکہ افتخار چیمہ نے کاغذات نامزدگی میں اثاثہ جات اور بنک ا کاؤنٹس سے متعلق بھی حقائق کو چھپایا۔
دو ہزار نو سے دو ہزار تیرہ تک انکم ٹیکس ریکارڈ بھی جمع نہیں کرایا ۔ عدالت نے فریقین کے دلائل سننے کے بعد الیکشن ٹریبونل کا فیصلہ کالعدم کردیا اور ن لیگ کے رکن قومی اسمبلی افتخاراحمد چیمہ کو نااہل قرار دیتے ہوئے این اے 101 گوجرانوالہ میں دوبارہ الیکشن کرانے کا حکم دے دیا
