ہر سال گورنر ہائوس کراچی میں منعقد ہونے والی لیڈیز فنڈ ایوارڈ کی تقریب میں اس سال کا آئڈل ایوارڈ میر پور خاص کی اقلیت کمیونٹی سے تعلق رکھنے والی ان پڑھ خاتون چمپا کو دیا گیا۔
چمپا نے ۲۰۱۴ میں ہیریٹیج فائونڈیشن اسکول سے گرین سکل میں تربیت حاصل کی تھی جس میں ان کودھویں کے بغیر چلنے والے حفاظتی چولھے بنانے کی تربیت دی گئی۔ ان چولھوں کو کاراوان پاکو سوئس چولھوں کا نام دیا گیا ہے۔
اور اب تک میر پور خاص اور اس کے اطراف میں بنائے جانے والے ایسے ۲۸ ہزار چولہوں میں ۵۰ فیصد چولہے بنانے کا اعزاز چمپا کو حاصل ہے۔
لیڈیز فند آئڈل ایوارڈ ان خواتین کو دیا جاتاہے جنھوں نے اپنے علاقے یا کمیونٹی کے لیے قابل قدر خدمات انجام دی ہیں۔
