آج کی اہم خبریں‌، صرف ایک کلک پر

[pullquote]پاکستان: غیرت کے نام پر ایک برس میں 1100 خواتین قتل[/pullquote]
141226140902_hrcp_pakistan_human_rights__640x360_hrcp_nocredit
پاکستان میں انسانی حقوق کے کمیشن کا کہنا ہے کہ گذشتہ سال ملک بھر میں غیرت کے نام پر 1100 خواتین کو قتل کیا گیا جبکہ اس دوران غیرت کے نام پر قتل ہونے والے مردوں کی تعداد 88 ہے۔

جمعہ کو پاکستان کمیشن برائے انسانی حقوق نے سنہ 2015 کی ایک رپورٹ جاری کی۔ جس میں کہا گیا ہے کہ گذشتہ برس ملک بھر سے 833 خواتین کو اغوا کرنے کے مقدمات رپورٹ کیے گئے اور ان واقعات میں ملوث افراد کی خلاف قانونی کارروائی بہت کم ہوئی ہے۔
’پاکستان میں انسانی حقوق کی خلاف ورزیوں میں شدید اضافہ‘
رپورٹ میں یہ بھی کہا گیا ہے کہ اس عرصے کے دوران 939 خواتین کو جنسی تشدد کا نشانہ بنایا گیا ہے جبکہ 777 خواتین نے گذشتہ برس خود کشی یا پھر خودکشی کرنے کی کوشش کی۔

رپورٹ میں اس بات کا بھی ذکر کیا گیا ہے کہ ملک میں سزائے موت پر عارضی پابندی ہٹنے کے بعد سے 47 خواتین قیدی پھانسی لگنے کی منتظر ہیں۔ اس رپورٹ میں دعویٰ کیا گیا ہے کہ ان میں سے زیادہ تر خواتین کو قانونی معاونت فراہم نہیں کی گئی ہے۔
سنہ 2015 میں بچوں کے خلاف جنسی تشدد کے خلاف واقعات میں سنہ 2014 کی نسبت سات فیصد اضافہ دیکھنے کو ملا ہے۔ اس رپورٹ کے مطابق ملک بھر میں جنسی تشدد کے 3768 واقعات درج کیے گئے۔

جنسی تشدد کا شکار ہونے والوں میں 1974 لڑکیاں اور 1794 لڑکے شامل ہیں۔جنسی تشدد کا شکار ہونے والوں کی عمریں گیارہ سال سے لے کر پندرہ سال کے درمیان ہیں۔

رپورٹ میں اس بات کا بھی ذکر کیا گیا ہے کہ ملک بھرمیں روزانہ کی بنیاد پر دس بچوں کو جنسی تشدد کا نشانہ بنایا جاتا ہے۔

[pullquote]لشکرطیبہ پر امریکا اور سعودی عرب کی تازہ پابندیاں[/pullquote]
2000px-Flag_of_Lashkar-e-Taiba.svg
سعودی عرب اور امریکا نے پاکستانی جنگجو گروہ لشکر طیبہ پر مشترکہ طور پر تازہ پابندیاں عائد کرنے کا اعلان کیا ہے۔ بتایا گیا ہے کہ اس جنگجو گروہ سے وابستگی کی وجہ سے چار افراد اور دو تنظیموں کو پابندیوں کا نشانہ بنایا گیا ہے۔

ریاض اور واشنگٹن نے دوسری مرتبہ مشترکہ طور پر اس کالعدم تنظیم پر پابندیاں عائد کی ہیں۔ بتایا گیا ہے اس جنگجو گروہ کو مالی طور پر نقصان پہنچانے کی خاطر یہ تازہ اقدام کیا گیا ہے۔

[pullquote]کولکتہ پُل حادثہ، ملبے تلے دبے افراد کی تلاش جاری[/pullquote]
160331142449_india_kolkata_640x360_ap_nocredit
بھارتی شہر کولکتہ میں جمعرات کے روز فلائی اُوَر منہدم ہونے کے واقعے میں ہلاک شدگان کی تعداد پچیس ہو گئی ہے۔ متعقلہ حکام نے تفتیشی عمل شروع کرتے ہوئے اس زیر تعمیر پل کی تعمیراتی کمپنی سے وابستہ پانچ افراد کو گرفتار کر لیا ہے۔

بتایا گیا ہے کہ ملبے تلے دبے افراد کو بچانے کا کام آج بھی جاری ہے۔ اس حادثے میں اسّی سے زائد افراد زخمی بھی ہو چکے ہیں۔ واضح نہیں ہے کہ کتنے افراد لاپتہ ہیں تاہم کم ازکم سڑسٹھ افراد کو ملبے سے نکالا جا چکا ہے۔ زیر تعمیر یہ پُل گزشتہ روز اچانک منہدم ہو گیا تھا۔

[pullquote]شامی صدر بشار الاسد قبل ازوقت انتخابات پر رضامند[/pullquote]
bashar-al-assad
شامی صدر بشار الاسد نے قبل از وقت انتخابات کرانے پر رضا مندی ظاہر کر دی ہے۔ تاہم شامی سیاست میں اسد کے ممکنہ مستقبل پر ابھی تک اختلافات دور نہیں ہو سکے ہیں۔

شامی اپوزیشن کا مطالبہ ہے کہ شام میں جمہوری تبدیلی کی خاطر اسد کو اقتدار سے الگ ہو جانا چاہیے جبکہ شامی حکومت صدر اسد کو اقتدار سے ہٹانے کے مطالبے کو ’ریڈ لائن‘ قرار دیتی ہے۔

سن 2014 میں نوے فیصد ووٹروں کی حمایت سے کامیابی حاصل کرنے والے صدر اسد نے کہا ہے کہ وہ شامی بحران کے خاتمے کے لیے قبل ازوقت انتخابات کرانے کو تیار ہیں۔

[pullquote]آن لائن معلومات پر پابندی، شمالی کوریا کا نیا اقدام[/pullquote]

شمالی کوریا نے سماجی رابطوں کی ویب سائٹ تک رسائی پر پابندی کا سرکاری طور پر اعلان کر دیا ہے۔

اس کمیونسٹ ملک میں فیس بک، ٹوئٹر، یو ٹیوب اور دیگر ویب سائٹس پر باضابطہ طور پر پابندی عائد کر دی جائے گی۔ بتایا گیا ہے کہ اس پابندی کا مقصد عوام تک آن لائن معلومات کی رسائی کو روکنا ہے۔

اس ملک میں انتہائی کم لوگوں کو انٹر نیٹ کی سہولت دستیاب ہے۔

[pullquote]ترکی میں صحافیوں کے خلاف عدالتی کارروائی بحال[/pullquote]
court
ترکی میں جاسوسی اور دہشت گردوں کی مدد کے الزامات کا سامنا کرنے والے دو صحافیوں کے مقدمے کی سماعت بحال ہو گئی ہے۔

جمہوریت نامی روزنامے سے وابستہ جان دندار اور ایردم گل پر ریاستی خفیہ معلومات عام کرنے کا الزام ثابت ہو جانے کی صورت میں انہیں عمر قید کی سزا سنائی جا سکتی ہے۔

اس مقدمے کی کارروائی خفیہ رکھی جا رہی ہے۔ اس مقدمے کو ترکی میں آزادیٴ صحافت کے حوالے سے اہم قرار دیا جا رہا ہے۔
[pullquote]
ڈنمارک نے سرحدوں پر چکنگ کی مدت میں توسیع کر دی[/pullquote]
0,,15203828_4,00
ڈنمارک نے جرمنی سے متصل اپنی سرحدی گزرگاہوں پر نگرانی کے عمل کی مدت میں توسیع کر دی ہے۔

بتایا گیا ہے کہ اب تین مئی تک ڈنمارک داخل ہونے والے مسافروں کی اچانک چیکنگ کی جائے گی۔ کوپن ہیگن کے مطابق اس اقدام کا مقصد غیر قانونی مہاجرین کو ملک میں داخل ہونے سے روکنا ہے۔

گزشتہ برس اس یورپی ملک میں اکیس ہزار مہاجرین نے پناہ کی درخواستیں جمع کرائی تھیں۔

[pullquote]سابق جرمن وزیر خارجہ ہنس ڈیٹرش گینشر انتقال کر گئے[/pullquote]
_89036096_032251042
سابق جرمن وزیر خارجہ ہنس ڈیٹرش گینشر 89 برس کی عمر میں انتقال کر گئے ہیں۔

فری ڈیموکریٹک پارٹی سے تعلق رکھنے والے گینشنر کا انتقال جمعرات کی رات واخت بیرگ پَیش میں واقع ان کے گھر پر ہوا۔ جرمنی کے اہم ترین سیاستدانوں میں شمار ہونے والے اس سیاستدان نے جرمنی کے دوبارہ اتحاد میں اہم کردار ادا کیا تھا۔

[pullquote]میانمار میں اہم سیاسی قیدی رہا[/pullquote]

میانمار میں ایک اہم سیاسی قیدی ’پیٹرک کم جا لی‘ کو رہا کر دیا گیا ہے۔ یہ رہائی ایک ایسے وقت میں ہوئی ہے، جب اس ملک میں جمہوری طور پر منتخب نئی حکومت نے کام کرنا شروع کیا ہے۔

حکام کے مطابق پیٹرک کو چھ ماہ کی سزا مکمل کرنے کے بعد رہا کیا گیا ہے۔ اس جنوب مشرقی ایشیائی ملک میں درجنوں سیاسی قیدی ابھی بھی قید میں ہیں۔ نئی حکومت کا کہنا ہے کہ تمام سیاسی قیدیوں کی رہائی کی کوشش کی جائے گی۔

[pullquote]شمالی کوریا کا بیلسٹک میزائل کا ایک اور تجربہ[/pullquote]
150520-north-korea-missile-mn-0425_28ded7a1974557a933eac4a4a6bc5fe8.nbcnews-ux-2880-1000
شمالی کوریا نے مبینہ طور پر بیلسٹک میزائل کا ایک نیا تجربہ کیا ہے۔ جنوبی کوریا کی طرف سے کہا گیا ہے کہ اس کمیونسٹ ریاست نے مشرقی ساحلی علاقے سئون دوک میں یہ تجربہ کیا ہے۔

شمالی کوریا کی طرف سے کم فاصلے تک مار کرنے والے میزائل کا تجربہ ایسے وقت میں کیا گیا ہے، جب علاقائی رہنما واشنگٹن میں امریکی حکام کے ساتھ ایک ملاقات میں شریک ہیں۔

امریکا اور اس کے اتحادی ممالک نے کہا ہے کہ اگر پیونگ یانگ نے ایسی اشتعال انگیزی جاری رکھی تو اسے مزید سخت پابندیوں کا سامنا کرنے پڑے گا۔

[pullquote]جاپان میں زلزلہ[/pullquote]
20000822 EARTHQUAKE
جاپان کے وسطی اور مغربی علاقوں میں زلزلے کے شدید جھٹکے محسوس کیے گئے ہیں۔ حکام نے بتایا ہے کہ آج پیسیفک ساحلی علاقے میں آنے والے اس زلزلے کے نتیجے میں سونامی کی وارننگ جاری نہیں کی گئی۔

اس زلزلے کی شدت ریکٹر اسکیل پر 6.1 نوٹ کی گئی ہے۔ ٹوکیو حکومت کے مطابق زلزلے کے نتیجے میں کوئی جانی یا مالی نقصان نہیں ہوا ہے۔

[pullquote]انڈیا کا سفر تمام، ویسٹ انڈیز فائنل میں[/pullquote]
160331170009_west_indies_640x360_afp_nocredit
آئی سی سی ورلڈ ٹی ٹوئنٹی کے دوسرے سیمی فائنل میں ویسٹ انڈیز نے ایک دلچسپ مقابلے میں انڈیا کو شکست دے کر فائنل میں اپنی جگہ بنا لی ہے۔

آج کا دن ویسٹ انڈیز کا تھا۔ پہلے ان کی خواتین کی ٹیم سیمی فائنل میں کامیابی حاصل کر کے فائنل میں پہنچی اور شام کو مردوں کی ٹیم نے وانکھڈے سٹڈیم میں ہزاروں انڈین تماشائیوں کو خاموش کر دیا جن میں بڑے بڑے بالی وڈ سٹار اور سابق کرکٹر موجود تھے۔

انڈیا کی اننگز میں ویراٹ کوہلی کے 89 رنز کی بدولت انڈیا 20 اوورز میں 192 رنز بنا سکا۔

کوہلی کی جانب سے رائنا اور شرما نے بلترتیب 40 اور 43 رنز بنائے۔

[pullquote]’یہاں آئیے، کچھ مستی کرتے ہیں‘[/pullquote]
160323202850_dhoni_640x360_bbc_nocredit
انڈین کرکٹ ٹیم کے کپتان مہندر سنگھ دھونی نے ٹی20 ورلڈ کپ کے سیمی فائنل میں ٹیم کی شکست کے بعد اپنی ریٹائرمنٹ سے متعلق سوالات کے جوابات بڑے ہی انوکھے انداز میں دیے۔

ممبئی کے وانکھڑے سٹیڈیم میں میچ کے بعد دھونی پریس کانفرنس میں صحافیوں سے بات چیت کر رہے تھے۔
اس دوران آسٹریلیا کے ایک صحافی سیم فیرس نے مہندر سنگھ دھونی سے پوچھا کہ کیا ویسٹ انڈیز سے اس شکست کے بعد کیا وہ آگے بھی کھیلنا جاری رکھیں گے؟

دھونی نے پہلے تو صحافی سے اپنا سوال دہرانے کو کہا۔

فیرس کے سوال دہرانے کے بعد دھونی نے ہنستے ہوئے کہا ’یہاں آئیے، کچھ مستی کرتے ہیں۔‘
اس پر فیرس جب ہچکچائے تو دھونی نے انہیں اپنی بغل کی کرسی پیش کرتے ہوئے ان سے سٹیج پر آنے کی گزارش کی۔ دھونی کے اصرار پر فیرس ان کے بغل میں جا کر بیٹھ گئے۔

دھونی نے فیرس کے کندھے پر ہاتھ رکھتے ہوئے کہا ’مجھے لگا کہ شاید کوئی بھارتی صحافی ہے، کیونکہ میں آپ سے تو یہ نہیں پوچھ سکتا کہ آپ کا کوئی بھائی یا بیٹا ہے جو وکٹ کیپر ہے اور بھارت کے لیے کھیل سکتا ہے۔‘

اس کے بعد دھونی نے فیرس سے پوچھا: ’کیا مجھے بھاگتا دیکھ کر آپ کو لگتا ہے کہ میں ان فٹ ہوں؟” فیرس نے کہا ’نہیں، آپ تو بہت تیزی سے بھاگتے ہیں۔‘

پھر دھونی نے پوچھا ’کیا آپ کو لگتا ہے کہ میں 2019 ورلڈ کپ میں کھیل سکتا ہوں؟‘ اس پر فیرس نے جواب دیا ’ہاں آپ کو کھیلنا چاہیے۔‘

پھر دھونی نے کہا ’آپ نے میرے سوال کا جواب دے دیا۔‘

فروری میں بنگلہ دیش میں ہونے والے ایشیا کپ کے لیے روانہ ہونے سے پہلے بھی ایک صحافی نے دھونی نے ریٹائرمنٹ کو لے کر سوال پوچھا تھا۔

اس وقت دھونی نے کہا تھا ’اگر میں نے ایسے سوال کا جواب 15 دن یا ایک ماہ پہلے دے دیا ہے تو پھر میرا جواب نہیں بدلے گا۔ یہ ٹھیک ویسے ہی ہے جیسے کوئی مجھ سے پوچھے کہ میرا نام کیا ہے اور میں ہر بار کہوں ایم ایس دھونی۔‘

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے