گوگل کروم سب سے مقبول براؤزر بن گیا

گوگل کروم نے آخر کار انٹرنیٹ ایکسپلورر سے مقبول ترین ویب براﺅزر کا اعزاز چھین لیا اور اس طرح مائیکروسافٹ کے پروگرام کی 18 سالہ حکمرانی کا اختتام ہوگیا۔

انٹرنیٹ اعدادوشمار فراہم کرنے والی کمپنی نیٹ مارکیٹ شیئر کے مطابق کروم نے گزشتہ ماہ (اپریل) میں یہ اعزاز اپنے نام کیا۔

اپریل کے دوران ڈیسک ٹاپ براﺅزنگ کرنے والے 41.7 فیصد صارفین نے گوگل کروم جبکہ 41.3 فیصد نے انٹرنیٹ ایکسپلورر کو استعمال کیا۔

انٹرنیٹ ایکسپلورر کی مقبولیت کافی عرصے سے تنزلی کا شکار تھی اور اسے حریف براﺅزر جیسے کروم اور فائر فوکس سے سخت مقابلے کا سامنا تھا۔

تاہم ونڈوز آپریٹنگ سسٹم کا ڈیفالٹ ویب براﺅزر ہونا 18 سال تک اس کی بالادستی قائم رکھنے میں مددگار ثابت ہوا۔

اس براﺅزر کو 1998 سے مقبول ترین کا اعزاز حاصل تھا۔

فائر فوکس 2002 اور کروم 2008 میں سامنے آئے تھے جن پر سرفنگ تیز اور استعمال میں آسان تھے جبکہ ٹیبز اور ایکسٹینشز جیسے فیچرز بھی ان کا حصہ تھے اور یہی لوگوں کو بھاگئے۔

گزشتہ سال گوگل کروم استعمال کرنے والوں کی تعداد 25.7 فیصد تھی جو اب 41.7 فیصد تک پہنچ گئی ہے جبکہ مائیکروسافٹ کے براﺅزر کے صارفین 55.8 فیصد سے کم ہوکر 41.3 فیصد پر پہنچ گئے۔

دس فیصد صارفین فائرفوکس کو استعمال کرتے ہیں۔

یہ اعدادوشمار ڈیسک ٹاپ براﺅزنگ ہے جن میں اسمارٹ فونز یا ٹیبلیٹس شامل نہیں جہاں ایپل کے سفاری کو بالادستی حاصل ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے