شوہر حضرات نوازالدین والی غلطی نہ دہرائیں

اپنی شاندار اداکاری کے باعث پہچانے جانے والے بولی ووڈ اداکار نوازالدین صدیقی اور پاکستانی ٹی وی ڈراموں کی مشہور اداکارہ عائشہ خان ایک بار پھر پاکستانی اشتہار میں جلوہ گر ہوئے ہیں جبکہ اس اشتہار میں ان کا دیا ہوا پیغام شادی شدہ حضرات کے لیے بہت مفید ہوسکتا ہے۔

کچھ عرصہ قبل ریلیز ہونے والی بولی وڈ فلم ‘رئیس’ میں بہترین اداکاری پر بھر پور پذیرائی پانے والے نواز الدین کو ہر برانڈ اپنے اشتہارات میں شامل کرنے کا خواہشمند نظر آتا ہے۔

کین ووڈ برانڈ کے اے سی کی تشہیر کرنے والے اس اشتہار میں دونوں اداکار میاں بیوی کے طور پر نظر آئے۔

اپنے گھر آئے مہمانوں کی میزبانی کرتے ہوئے نوازالدین نے وہ غلطی کردی جس سے کسی بھی شوہر کو باز رہنا چاہیئے۔

کھانے کی میز پر جب مہمان عائشہ خان کی ککنگ کی تعریف میں مصروف تھے، عین اسی لمحے نوازالدین یہ کہہ اٹھے کہ سب سے مزیدار ڈش بریانی تو ان کی بیوی کے بجائے گھر کی کک نے بنائی ہے۔

مگر پھر عائشہ خان کے گھورنے نے نوازالدین کو ان کی غلطی کا احساس دلادیا اور وہ اپنی بات کو بدلتے دکھائی دیے۔

اشتہار کا اصل پیغام تمام شادہ شدہ حضرات کے لیے یہ ہے کہ جب کوئی کھان پکانے پر ان کی بیوی کی تعریف کررہا ہو تو وہ خاموش رہیں!

کین ووڈ کے اس اشتہار کی عکس بندی دبئی میں کی گئی اور یہ اس سلسلے کا دوسرا اشتہار ہے۔

اس سے قبل فروری میں آنے والے اشتہار میں بھی نوازالدین کو اپنے غلط مشاہدے کا نتیجہ بھگتتے دکھایا گیا تھا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

آئی بی سی فیس بک پرفالو کریں

تجزیے و تبصرے