ستارہ امتیاز پانے والے سب سے کم عمر پاکستانی کرکٹر

قومی ٹیم کے کپتان سرفراز احمد ملک کا تیسرا بڑا سول ایوارڈ یعنی ستارہ امتیاز پانے والے سب سے کم عمر پاکستانی کرکٹر بن گئے ہیں۔

گورنر سندھ محمد زبیر نے گورنر ہاؤس میں 30 سالہ سرفراز احمد کو ستازہ امتیاز سے نوازا۔

قومی ٹیم کے سابق کپتان یونس خان کو بھی گورنر ہاؤس میں ستازہ امتیاز سے نوازا گیا۔

اس کے علاوہ سابق اسٹار آل راؤنڈر شاہد آفریدی اور پاکستان کے سب سے کامیاب ٹیسٹ کپتان مصباح الحق کو بھی ستازہ امتیاز کے لیے نامزد کیا گیا ہے۔

اس سے قبل چار قومی کرکٹرز جاوید میانداد، انضمام الحق، محمد یوسف اور سعید اجمل کو بھی پاکستان کے تیسرے بڑے سول ایوارڈ سے نوازا جا چکا ہے۔

ستارہ امتیاز ملنے کے بعد جیو نیوز سے بات کرتے ہوئے سرفراز احمد کا کہنا تھا کہ قومی ایوارڈ ملنے پر اللہ تعالی کا شکر ادا کرتا ہوں، یہ میرے اور میری فیملی کے لیے فخر کا موقع ہے۔

سرفراز احمد کا کہنا تھا کہ ستارہ امتیاز جیسے ایوارڈز سے حوصلہ بڑھتا ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے